10 jastaǵy almatylyq Danelıa Týleshova Ýkraınadaǵy «Golos. Detı» baıqaýyna qatysýda, dep Qamshy.kz aqparat agenttigi kazpress-ke silteme jasap jazady.

Tórtinshi maýsymnyń qazylar alqasy áıgili Monatık, «Vremá ı Steklo» toby jáne Natalá Mogılevskaıalar boldy. Aldyn ala ótken synaqtardan úzdik bolǵan Danelıa,  "Slepoe proslýshıvanıe" kezeńine shaqyrylyp, Demı Lovatonyń Stone Cold ánin oryndaǵan bolatyn.

Qazaqstandyq búldirshinniń daýysyn bir-eki sekýnd qana estigen qazylar alqasy ústelderin birden Danelıaǵa qaratty. Qazylar alqasynyń múshesi Natalá Mogılevskaıanyń aıtýynsha bul «Golos. Detı» baıqaýyndaǵy eń úzdik daýys boldy.

- «Bul eń keremet jáne biregeı daýys. Túsirilgen beınejazba 100 paıyz kúlli álemge taratylatyn bolady. Biz úshin sen qaısy topqa barsań da qýanshytymyz»,-dedi qazylar alqasy. Al Monatık bolsa, Danelıa Týleshovaǵa:

-«Seniń armanyń Monatıkpen án aıtý bolsa ǵoı, ondaı jaǵdaıda meniń qatty jolym bolyp keter edi»,- dedi.

Az oılanǵan, Danelıa Monatıktiń tobynda án aıtatyn bolyp sheshim qabyldady. Bul Danelıa qatysqan alǵashqy iri joba emes, 2015 jyly ol «Aıalaǵan Astana» kezeńinen top jaryp, Qazaqstan atynan álemdik «Balalar jańa tolqynynda» óner kórsetken edi. Ol kezde Danelıa kórermender kózaıymy bolǵan.