The New York Times gazeti Er-Rıadtaǵy "Rıts Karlton" qonaq úıinde jemqorlyqpen ustalǵan saýdıalyq hanzadalar men sheneýnikterdiń jerde jatqan vıdeosyn jarıalady dep habarlaıdy Qamshy.kz aqparat agenttigi Tengrinews.kz-ke silteme jasap.
Kadrdan qonaq úıdiń kire berisinde edende birneshe adamnyń uıyqtap jatqanyn kórýge bolady. Para aldy degen kúdikpen ustalǵan joǵary shendilerge elden shyǵýǵa tyıym salynyp, shottaǵy aqshasy buǵattaldy.
Vıdeo dúısenbi kúni tań erteń túsirilgen. Ony kúzetshiler túsirgen bolýy múmkin. Vıdeodan qara forma kıgen adamdardy kórýge bolady. Al buryshta avtomat tur.
Jýrnalıser "Rıts Karlton" qonaq úıine 16-shy qarashaǵa deıin tirkelý múmkin emes ekenin anyqtaǵan.
4-shi qarashada Saýd Arabıa koroli Salman Ben Abdel Azız Al Saýd jemqorlyqpen kúrestiń bastalǵanyn habarlap, Joǵary komıtet qurýǵa tapsyrma berdi. Ony hanzada Mýhammed ben Salman basqarady.
Kelesi kúni 11 hanzada jáne 4 mınıstr men burynǵy onshaqty mınıstr ustaldy. Olardyń arasynda – koróldiń jıeni, mıllıarder, Jer betindegi eń baı adamdardyń biri hanzada al-Valıd, ekonomıka mınıstri, hanzada Adel Fakıh, Ulttyq gvardıa mınıstrligi Mıtab ben Abdalla ben Abdel Azız Al Saýd hanzada jáne t.b.
AQSH prezıdenti Donald Tramp Twitter paraqshasyna koróldi qoldaıtynyn jazdy. Ustalǵandardyń keıbiri jyldar boıy eldi tonap kelgenin aıtady.
