2600 jyly energıany shamadan tys tutynýdyń saldarynan Jer beti otty sharǵa aınalady, sol kezde adamzat túgeldeı joıylady. Bul týraly brıtandyq fızık Stıven Hokıng Beıjińde ótken Tencent WE samıtiniń qatysýshylaryna vıdeo baılanys arqyly málimdedi, dep jazady Qamshy.kz aqparat agenttigi.

–Halyqtyń tyǵyzdyǵy jer betine aıtarlyqtaı qaýip tóndirip tur. Búginnen bastap adamdar belgisiz álemge qaraı bet ala bergen jón, jańa planetalardy ashý kerek, - dep keltirdi ǵalymnyń sózin New York Post basylymy.

Sondaı-aq Hokıng samıtke qatysýshylardy ǵarysh kemesiniń qurylýyna arnalǵan óziniń Starthour Breakthrough jobasyn qoldaýǵa shaqyrdy. Ol kememen Jerge jaqyn ornalasqan Álfa Sentavra juldyzyna ushyp barýǵa bolady. Bul jaryqtyń jyldamdyǵynan 1/5 jyldamdyqpen qozǵalatyn kún parýsy bar kishkene ǵana barlaý apparaty.

–Ol Marsqa keminde 1 saǵatta jetip barady. Plýtonǵa jetý úshin bir kún ketýi múmkin. Al Álfa Sentravaǵa ushý 20 jylǵa jýyq ýaqytty alady, - dedi ǵalym.

Onymen qosa, Kúnniń aınalasyndaǵy juldyzdardyń tirshilikke jaramdy ekenin aıtty. Hokıngtiń oıynsha, sol juldyzdardyń birinde adamzat taǵy mıllıonǵa jýyq jyl ómir súre alady.

Budan buryn ıtalándyq ǵalymdar Aı men Marstyń tirshilikke jaramdylyǵyn zerttep, óz jobalaryn usynǵan.