Túrki jazbalary men mádenıeti kúnderi aıasynda «Tamyry tereń álipbı: jalpytúrkilik biregeıliktiń myzǵymas negizi» atty halyqaralyq ǵylymı-praktıkalyq konferensıa ótti.

 Qazaqstan Respýblıkasy Mádenıet jáne sport mınıstrligi Tilderdi damytý jáne qoǵamdyq-saıası jumys komıtetiniń tapsyrmasy boıynsha Sh.Shaıahmetov atyndaǵy tilderdi damytýdyń respýblıkalyq úılestirý-ádistemelik ortalyǵy jáne Ahmet Baıtursynuly atyndaǵy Til bilimi ınstıtýtynyń uıymdastyrýymen ótken aýqymdy basqosýǵa otandyq jáne sheteldik (AQSH, Túrkıa, Orta Azıa elderi) túrkitanýshy ǵalymdar, qoǵamdyq jáne gýmanıtarlyq baǵyttaǵy ǵylymı-zertteý ınstıtýttarynyń qyzmetkerleri, JOO-nyń oqytýshy profesorlary, jas zertteýshiler men zıaly qaýym ókilderi qatysty.

Konferensıa barysynda túbi bir túrki jurtynyń tańbalyq jazý mádenıetiniń búgini men bolashaǵy sóz boldy. Túrki jazba muralaryn zertteýdegi kemshin tustar men tabystar tarazylandy. Kúlli túrki dúnıesi úshin mezgil máselesine aınalǵan birizdi latyn qarpine kóshý taqyryby talqylanyp, ortaq problemalardy sheshý joldary qarastyryldy. Otandyq jáne sheteldik túrkitanýshy ǵalymdar ózara tájirıbe almasyp, tamyry tereń túrki tańbasyn saqtaýdyń tıimdi joldaryn qarastyrdy.

Shara túrki mádenıetiniń merekelik konsertimen jalǵasyn tapty.