Prezıdent Nazarbaev jyl basyndaǵy joldaýynda «Qazaqstan – jas, kóp ultty, bolashaǵyna senimdi jáne qarqyndy damyp kele jatqan memleket! Biz táýelsiz Qazaqstannyń 25 jyldyq damý jolynan óttik. Aldaǵy 25 jylda budan da bıik belester kútip tur», - degen edi. Áne sol jas memlekettiń alyp terıtorıasyn bir ǵasyr ýaqyt buryn Alash arystary belgilep, Alash avtonomıasyn qurǵan. 

Astanadaǵy EKSPO Kongres ortalyǵynda Alash partıasynyń qurylǵanyna 100 jyl tolýyna oraı «Rýhanı jańǵyrý: Alash jáne Azattyq ıdeıasynyń sabaqtastyǵy» atty halyqaralyq ǵylymı-tájirıbelik konferensıa bastaldy dep habarlaıdy Qamshy.kz aqparat agenttigi.

Konferensıa barysynda QR Memlekettik hatshysy Gúlshara Ábdiqalyqova  qatysýshylarǵa QR Prezıdenti Nursultan Nazarbaevtyń quttyqtaý sózin oqyp berdi.

«Alash qozǵalysynyń 20 ǵasyrdyń basyndaǵy qazaq qaýymynyń saıası-áleýmettik quqyqtaryn qorǵaý, ulttyq biregeıligin saqtap qalý jolyndaǵy kúresi elge qyzmet etýdiń jarqyn kórinisteriniń biri. Alash qozǵalysynyń pasıonarlyq ıdeıalary bizdiń ata-babalarymyzdyń azattyq alyp, derbes memleket qurý jolyndaǵy san ǵasyrlyq amanatymen ushtasyp jatyr. Sol kezdegi ult zıalylary arman etken memleket táýelsizdigi men ult bostandyǵyna búgingi urpaq qol jetkizdi. Elimiz egemendik alyp, álemniń aldyńǵy qatarly memleketterimen terezesin teńestirip otyr.

Men «Bolashaqqa baǵdar: Rýhanı jańǵyrý» atty maqalamda taǵylymy mol tarıhymyzdy zerdeleýge, tóltýma mádenıetimizdi qoldaýǵa qatysty naqty mindetterdi atap kórsettim. Biz qoǵamdyq sanany qazirgi zamannyń talabyna saı jańǵyrtý arqyly elimizdiń turaqty damýyn qamtamasyz etýdi maqsat etip otyrmyz. Memleketimizdiń ekonomıkalyq áleýeti arqyly halqymyzdyń baı tarıhı ári rýhanı murasyn dáripteýge de zor múmkindik jasala bermek»-delindi Elbasynyń quttyqtaý hatynda.