Polısıa Talǵar ózeninen denesi tabylǵan er adamdy óltirgen kúdiktini ustady, dep habarlaıdy Qamshy.kz aqparat agenttigi Almaty oblysy ishki ister departamenti baspasóz qyzmetine silteme jasaı otyryp. 

2 qarashada Keńdala aýylyna jaqyn mańda Talǵar ózeninen er adamnyń denesi tabylǵan. Máıittegi kóptegen jaraqat belgileri onyń kisi qolynan ajal qushqanyn rastaıdy. Keıinirek jábirlenýshi Balqash aýdanynyń turǵyny ekeni anyqtalyp, saraptama oǵan jeti ret pyshaq salynǵanyn kórsetti.

Jedel izdeý sharalary nátıjesinde polıseıler Qaratal aýdanynyń 39 jastaǵy turǵynyn ustap, Talǵar aýdandyq İİB-ne qamaýǵa aldy. 

«Kúdikti jábirlenýshimen birge iship otyryp, aralarynda týyndaǵan kıkiljiń saldarynan aýyr qylmysqa barǵan. Budan buryn qaraqshylyq jasaǵany úshin sottalypty. Qazir qylmystyń anyq-qanyǵy tergelýde», — dep habarlady oblystyq polısıa.