21 mamyrda Taraz qalasynyń mádenıet úıinde Mádenıet jáne sport mınıstrliginiń Tilderdi damytý jáne qoǵamdyq-saıası jumys komıteti jáne «Sh. Shaıahmetov atyndaǵy Tilderdi damytýdyń respýblıkalyq úılestirý-ádistemelik ortalyǵy» RMQK-nyń uıymdastyrýymen Qazaq handyǵy qurylýynyń 550 jyldyǵyna oraı ústimizdegi jylǵy 21 mamyrda Taraz qalasynda «Túrki jazbalary men mádenıeti kúnderin» atalyp ótedi.
Atalǵan shara táýelsiz elimizdiń tutastyǵyn bekite túsetin máńgilik muramyz, ejelgi túrki jazýynyń keshegisi men búgingisin talqylyp, kópshilik qaýymǵa nasıhattap, ony urpaqtan urpaqqa jetkizý, mán-maǵynasy men taǵylymyn qoǵam sanasyna sińirýdi maqsat etedi. Shara aıasynda «Kóne túrki jazbalary men qazaq mádenıeti: til jáne tarıh» atty ǵylymı-praktıkalyq konferensıa jáne túrki mádenıetine arnalǵan konsert ótkiziledi. Sharaǵa QR Mádenıet jáne sport mınıstrligi Tilderdi damytý jáne qoǵamdyq-saıası jumys komıtetiniń basshylary, elimizdiń barlyq óńirinen 20-dan astam túrkolog ǵalymdar, óner sheberleri, zıaly qaýym jáne BAQ ókilderi qatysady.
Sonymen qatar qyrǵyz, ázerbaıjan elderinen túrki jazbasyn zertteýshi túrkolog ǵalymdar qatysyp, baıandamalary arqyly ózge ǵalymdarmen oı bólisedi. Konferensıada kóne túrki tilinen bastaý alǵan alǵashqy jazýdyń paıda bolý tarıhy, Qazaq handyǵynyń 550 jyldyǵy aıasynda memlekettigimizdiń qalyptasý erekshelikteri, ulttyq qundylyqtarymyzdy halyq sanasyna sińirý jáne t.b. máseleler sóz bolady. Shara aıasynda túrki mádenıetine arnalǵan konserttik baǵdarlama men Taraz qalasynyń tarıhı oryndaryna ekskýrsıa jasalady.
