Almatyda 2017 jylǵa kelisimshart boıynsha áskerı qyzmetke qabyldaý jumystary aıaqtaldy. Almaty qalasy boıynsha kelisimshart qyzmetine 300-den asa úmitkerler jiberildi. Qazaqstan Respýblıkasy Qarýly Kúshterinde kelisimshart boıynsha qyzmetke ornalasý úshin jasy 19 ben 30 aralyǵy bolýy kerek. Komısıanyń oń sheshimin alǵan barlyq úmitkerlerdiń áskerı-evep mamandyǵy, áskerı laýazymy bar.

Sondaı-aq merzimdi áskerı qyzmetin ótkergen nemese Qorǵanys mınıstrliginiń arnaıy mamandandyrylǵan daıyndyq kýrsyn, áskerı kafedrasyn támamdaǵan úmitkerler kelisimshart boıynsha áskerı qyzmetke ornalasady. Kelisimshart qyzmetindegi áskerı qyzmetshi áskerı laýazymǵa ıe bolýmen eńbek sińirgen jyldaryna sáıkes kásibı laýazymynyń óýsine múmkindik alady. Kelisimshart boıynsha áskerı qyzmet memleket tarapynan áleýmettik qoldaýmen qamtamasyz etiledi. Qazaqstan Respýblıkasy Qarýly Kúshterinde qyzmet tolyq kólemde áleýmettik qorǵaýda bolady. Mysaly áskerı qyzmetshi jáne olardyń otbasy múshelerine arnalǵan aqshalaı úlespen, zattaı jáne múliktiń basqa da túrlerimen qamtamasyz etiledi.

Turǵyn úıge muqtajdar áskerı qyzmetti ótkerý kezinde memleket esebinen turǵynúıdi jalǵa alý úshin maqsatty ótemaqy tóleý kózdelgen. Áskerı qyzmetshilerdiń jáne olardyń múshelerin áskerı-medısınalyq mekemelerde medısınalyq qamtamasyz etý memleket esebinen júzege asyrylady. Sonymen birge, kelisimshart boıynsha áskerı qyzmetshilerge 2 laýazymdyq jalaqy mólsherinde saýyqtyrý járdemaqy tóleýmen jyl sasynǵy eńbek demalysy usynylatynyn aıta ketken jón. Armıanyń aıbyndy bolýy áskerı qyzmetshilerdiń mártebesi men jaǵdaıynyń jaqsy bolýymen ólshenedi.

«Áskerı qyzmet pen áskerı qyzmetshilerdiń mártebesi týraly» 2012 jylǵy 16 aqpandaǵy QR Zańyna sáıkes, kelisimshart boıynsha áskerı qyzmetke kiretin adamdarda QR azamattyǵy bolýy, kýrsanttar men ózge de sanattaǵy áskerı qyzmetshilerdi eseptemegende, 19 jastan kishi bolmaýy, áskerı-esepke alý mamandyǵynyń bolýy, áıelderdi qospaǵanda, merzimdi áskerı qyzmetti ótkerýi ne JOO-nyń áskerı kafedrasynda oqýdan ótýi nemese áskerı-oqytylǵan rezervti daıarlaý boıynsha Qorǵanys mınıstrliginiń mamandandyrylǵan uıymdarynda áskerı daıyndyqtan ótýi tıis.

Jergilikti áskerı basqarý organdary janyndaǵy áskerı qyzmetke qabyldaý pýnktterine qazaqstandyq armıanyń qataryn tolyqtyrýǵa nıet bildirgenderdiń sany tolastar emes. Olardyń deni QR QK QÁ Desanttyq-shabýyldaý áskerleriniń áskerı bólimderinde qyzmet etýge nıet bildiredi.

Kelisimshart negizinde qyzmet etý - áskerı qyzmetshilerdiń turaqty laıyqty jalaqy alýy, sondaı-aq birqatar artyqshylyqtarǵa ıe bolýy.