Almaty ákimi Baýyrjan Baıbek Qazaqstan Respýblıkasyndaǵy Fransýz Respýblıkasynyń Tótenshe jáne ókiletti Elshisi Fılıpp Martınemen kezdesti. Taraptar saýda- ekonomıkalyq, mádenı- gýmnaıtarlyq baılanystar jónindegi msáelelerdi talqylady, dep habarlaıdy Qamshy.kz aqparat agenttigi Almaty qalasy ákimdigine silteme jasaı otyryp.
Megapolıs ákimi bıylǵy jyldyń 9 aıy ishinde Almaty men Fransıa arasyndaǵy taýar aınalymy 2016 jyldyń osy kezeńimen salystyrǵanda 36,4%-ǵa artyp, 191 mln. AQSH dollaryn quraǵanyn aıtty. Qalada fransýz kapıtalymen 60 kásiporyn jumys isteıdi.
Fransýz tarapyna «bir tereze» qaǵıdasy boıynsha jumys isteıtin ınvestorlarǵa qyzmet kórsetý Ortalyǵy, Indýstrıaldy aımaq jáne sheteldik kompanıalarǵa preferensıalar men jeńildikter usynatyn «ITP» AEA aımaǵy kóptegen ońtaıly múmkindikter jasaýda.
Óz kezeginde Fılıpp Martıne fransýz kompanıalary «Smart sıtı» jobasy men kóliktik reformalarǵa qatysa alatynyn aıtty.
Kezdesý barysynda Fransýz Respýblıkasynyń Tótenshe jáne ókiletti Elshisi Almatydaǵy bilim salasyna jáne birqatar mádenı sharalarǵa qatysty jobalardy júzege asyrýǵa qatysý múmkindigin qarastyrýdy usyndy.
"Búgingi kúni naryqtaǵy jahandyq báseke barysynda jetekshi megapolıster servıstik qaladan ınovasıalyq smart-sıtıge ótýde. Smart Almaty konsepsıasyna negizinen ekonomıka, ekologıa jáne qoǵam múddelerin teӊestirý enip otyr. Álemdegi úzdik tájirıbeler men qala turǵyndarynyӊ talaby barysynda biz basty baǵyttardy anyqtadyq. IDC halyqaralyq kompanıasymen birge Almatyda "Aqyldy qala" deӊgeıinde keshendi saraptama júrgizdik, nátıjesinde álsiz aımaqtar anyqtaldy, sonymen qatar máselelerdi júıeli túrde sheshetin 7 bazalyq joba jasaldy. Degenmen, biz tek sandyq tehnologıany ǵana engizýdi maqsat etpeımiz."Aqyldy qala" - túrli utymdy tehnologıa jáne buqara men bıliktiӊ ózara túsinistik mádenıeti. Tehnologıa - bul basqarý prosesteri arasyndaǵy yntymaqtastyqty jaqsartý, tıimdilikti arttyrý. El Prezıdenti Nursultan Nazarbaev: "Qanymyzǵa siӊgen kóptegen daǵdylar men taptaýryn bolǵan qasaӊ qaǵıdalardy ózgertpeıinshe, bizdiӊ tolyqqandy jaӊǵyrýymyz múmkin emes", -degen edi. Sondyqtan biz ózgeristerge, túrli kreatıvti ıdeıalardy engizýge, osy jolda birigip alǵa jyljýǵa daıynbyz", - dedi megapolıs basshysy.
Mysaly, "Jaıly qala" jobasy arqyly Almaty mashınalardyӊ emes, adamdardyӊ súıikti qalasyna aınalady. Qorshaýlar alynyp tastalyp, keӊistikter ulǵaıady. Mundaı vektor qala turǵyndarynyӊ keӊinen qatysýymen jáne halyaralyq sarapshylardyӊ usynýymen "Almaty 2020" baǵdarlamasy aıasynda qabyldandy. Bul tájirıbeni BUU-nyӊ Ekonomıkalyq Komısıasy men Áleýmettik Keӊesi Azıa jáne Tynyq muhıt óӊirindegi elder úshin eӊ úzdik retinde atap ótti.
