Ómirińniń jalǵasy bolǵan urpaǵyńdy bireý óltirse, keshirim berý ońaı ma?! Ashýdy aqylǵa jeńdirip, keshirimdilik tanytýdyń nápsige de tym aýyr keletini ótirik emes,-dep Qamshy.kz aqparat agenttigi muslim.kz-ke silteme berip jazady. 

Degenmen, taǵdyr jazýyna tózimdilik tanytyp, ulyn óltirgen qylmyskerge keshirimmen qaraı bilgen jandar az emes. Sondaı jandardyń biri Rabıa ál-Dýsarı ulynyń qazasyna kináli Faısal ál-Amerı qasıetti Quran kárimdi tolyǵymen jattap shyqsa, keshirim beretinine ýáde berdi.

Qaıǵydan qan jylaǵan qarıa bul qadamǵa Shyǵys provınsıasynyń túzetý jónindegi Joǵarǵy komıtet ókilderimen suhbattasqannan keıin barǵan kórinedi. Biraq, ol beriletin materıaldyq ótemaqydan bas tartyp, óz shartyn qoıǵan: qylmysker túrmede otyrǵan kezinde Quran Kárimdi tolyǵymen jattap shyqsa, basyna azattyq alady.