Bilim jáne ǵylym mınıstrligi Qazaqstanda aǵylshyn tildi muǵalimderdi daıarlaý jáne aǵylshyn tilinde oqytý júıesine kóshý kestesin kelesi jyly ózgertedi, dep habarlady Qamshy.kz aqparat agenttigi Azattyqtyń málimetine súıenip.
Beısenbide senatta 2018-2020 jyldarǵa arnalǵan respýblıkalyq búdjet jobasyn talqylaý kezinde sóılegen Saǵadıev respýblıkada bıyl muǵalimderdi aǵylshyn tilinde sabaq berýge daıarlaý jáne aǵylshyn tilinde oqytýǵa kóshý tájirıbesi júrgizile bastaǵanyn aıtty. "Kelesi jyly bıylǵy jyl sońynda osy tájirıbe nátıjesinde alynǵan málimetter boıynsha muǵalimder daıarlaý men aǵylshyn tilinde oqytý kestesin kópshilik talqysyna salyp, ózgertemiz" dedi Saǵadıev.
Mınıstrdiń sózinshe, 2017 jyly elde tájirıbe aıasynda bir jarym myń muǵalim aǵylshyn tilinde sabaq bere bastaǵan. Ol qazir atalǵan muǵalimderdiń tájirıbesi engizilip jatqan tusta jańa pánder zerttelip jatqanyn aıtty.
Erlan Saǵadıev aǵylshyn tilin talap etilgen deńgeıde meńgergen muǵalimderdiń jalaqysyna ústeme qosylatynyn, al muǵalimderdi aǵylshyn tilinde sabaq berýge daıyndaýǵa bólinetin qarjy jyl saıyn ulǵaıtylatynyn aıtty.
