Oral qalasyndaǵy Juban Moldaǵalıev atyndaǵy oblystyq ǵylymı-ámbebap kitaphanasynda «Kitap oqıtyn otbasy - ǵasyr úlgisi»  atty merekelik kesh uıymdastyryldy. Kitaphana qyzmetkerleriniń uıymdastyrýymen ótken bul keshke Baımuratovtar, Eleýsin, Qaırıden, Qaýynbaevtar, Lıtvınchýkterdiń  otbasy qatysty.

Kitaphanaǵa únemi januıasymen kelip, kitap oqıtyn atalmysh otbasynyń balalary bul sharada án aıtyp, óleń oqyp, qoıylym kórsetip óz ónerlerin ortaǵa salsa, úlkenderi kitaphana qyzmetkerlerine aq tilekterin joldady.  

-Bul januıalar kópke úlgi, qandaı qurmetke de laıyq. Balalardy kitap oqýǵa baýlý, ádebı shyǵar­ma­larǵa qyzyqtyrý — ana-ananyń negizgi mindet­i. Óıtkeni, kitap arqyly balany tárbıeleýdiń mańyzy zor. Oqýlyq balany kórkem oılaýǵa úıretedi, sózdik qoryn molaıtady, oıynyń ushqyr bolýy úshin de septigi kóp. Kitap — ol dos, jubatýshy, basshy, bizdiń túsiniksiz jáne belgisiz bolyp qalǵan oıymyz ben sezimimizdi qalyptastyrýǵa kómekshi. Kitap óziniń mazmunymen nár tatqyzyp, rýhanı qoldaý beretin dúnıe. Qazaq balalar ádebıetiniń negizin qalaýshylar Muzafar Álimbaev, Ánýarbek Dúısenbıev, Berdibek Soqpaqbaev, Qarjaýbaı Omarov syndy qalamgerlerimizdiń kitaptary balasy bar árbir úıden tabylýy kerek dep oılaımyn. Odan bólek, búginde balalarǵa arnap súbeli dúnıeler jazyp júrgen avtorlar da jeterlik. Árbir úıde birneshe kitap qorynan tura­tyn kitaphana bolǵany durys. Ata-anasy kitapty kóp oqıtyn balanyń da oqýǵa degen qyzyǵýshylyǵy tez oıanady. Jalpy kitap oqý – adam mıy úshin aı­ryq­sha jattyǵý. Túrli shyǵar­­­­malardyń ishine oısha ený — adamnyń eles­tetý, qıal­­daý múmkindigin art­ty­­rady. Budan adamnyń fızı­kalyq jáne psıhıkalyq jaı-kúıi jaqsarady, - deıdi  kitaphana qyzmetkerleri.

Emen-jarqyn ótken kezdesý  oqyrmandarǵa rýhanı áser syılady.

Gúlim AQAP,

Batys Qazaqstan oblysy