16 qarashada UQK Ońtústik Qazaqstan oblysy boıynsha departamenti ishki ister organdaryn qatystyrýmen operasıany iske asyrdy, dep habarlaıdy Qamshy.kz aqparat agenttigi QR UQK baspasóz qyzmetine silteme jasap.
Operasıa barysynda terorızmdi nasıhattaý jáne dinı alaýyzdyqty qozdyrý kúdigi boıynsha Saıram aýdany men Shymkent qalasynyń 11 turǵyny ustaldy.
Kórsetilgen adamdar «Whatsapp», «Telegram» messendjerlerinde jáne Internet áleýmettik jelilerinde «DAISH» jáne basqa da halyqaralyq terorıstik uıymdardyń ekstremıstik ıdeologıasyn nasıhattaıtyn materıaldardy júıeli túrde taratqan.
Ekstremıstik materıaldar jalpy sany 400-den astam qatysýshysy bar 24 jelilik qoǵamdastyqqa ornalastyrylǵan.
Tergeý jáne ózge de is-sharalar jalǵasýda.
