Almaty ákimi Baýyrjan Baıbek jumys sapary barysynda S.Seıfýlllın atyndaǵy saıabaqty qaıta jasaýdyń, «Juldyz» yqsham aýdanyndaǵy júrginshi aımaǵyn abattandyrýdyń barysyn, sonymen qatar megapolıstiń Túrksib aýdanyndaǵy aýlalardy tekserdi.
Túrksib aýdanynda da aýlalardy qaıta jasaý jumystary júrip jatyr, bıylǵy jyly munda 80 aýlaǵa asfált, rezınka jáne kespe tas tóselgen, oryndyqtar men ýrnalar qoıylǵan, sport jáne balalar alańdary jaryq kózderimen qamtylǵan. Bulardan ózge, aýdan ákimi Pavel Kýlagınniń aıtýy boıynsha aýdanda «Rýhanı jańǵyrý» baǵdarlamasy aıasynda birneshe sport jáne balalar alańdary salynǵan.
«Búgingi kúni Prezıdentimiz Sizder úshin barlyq jaǵdaılardy jasaýda. Qalada sońǵy eki jylda 732 aýla alańdary abattandyryldy. Bul - árbir besinshi aýla. Bul jumysty biz keler jyly da jalǵastyramyz. Tek qalanyń ortalyǵy ǵana emes, barlyq aýlalar kórkeıedi, jastar sportpen shuǵyldanyp, balalar ózderiniń qaýipsiz aýlalarynda oınaıtyn bolady. Qazirgi kezde «Meniń aýlamdaǵy sport» jobasy aıasynda 6 myń bala 75 sport alańdarynda kásibı nusqaýshylarmen birge tegin jattyǵýda. 2020 jyldarǵa deıin qalanyń barlyq 600 sport alańyn qamtıtyn bolamyz», -dep atap ótti Baýyrjan Baıbek.
Jumys sapary barysynda Baýyrjan Baıbek «Juldyz» yqsham aýdanyndaǵy júrginshi aımaǵyn abattandyrý jumystarymen de tanysty. Júrginshi jolynyń aýmaǵy keńeıtilgen, keıin oǵan túrli aǵashttar, butaqtar men gúlder otyrǵyzylady. Sonymen qatar, munda taıaý arada sport jáne balalar alańdary ashylyp, olarǵa kishi arhıtektýralyq pishinder, oryndyqtar qoıylady jáne qoǵamdyq tamaqtaný núktesi jáne basqalary paıda bolady.
Almaty ákimi qaıta jasalǵan S.Seıfýllın atyndaǵy saıabaqta boldy, munda jańadan asfált tóselgen, aryq jelisi jańarǵan, jańa velojoldar jasalǵan, gúlder, men jasyl jelek otyrǵyzylyp,balalar men sport alańdary jasaqtalǵan, antıvandaldy oryndyqtar jáne basqalary qoıylǵan.
