Qapshaǵaı qalasy ákiminiń orynbasary Saǵdat Shatanuly Nurǵazıevtiń tóraǵalyq etýimen bolǵan onamastıkalyq  komısıanyń  kezekti  otyrysy  qala    men  óńirdegi eldi mekenderdegi kó-sheler ataýlarynyń ózgertilýine arnaldy.
Bul  jóninde  «Qapshaǵaı qala-sy mádenıet jáne tilderdi damytý bólimi» memlekettik mekemesiniń basshysy Bıbigúl Kenjehanqyzy Shaıkenova esep berdi. Rasynda keshegi keńes zamanyndaǵy ıdeologıa negizinde qoıylǵan kóshe ataýlary jańa zamanǵa saı óziniń qundylyqtaryn joǵaltqannan keıin olardy  ózgertý ýaqyt talaby bolyp otyrǵany anyq.
Al ondaı kósheler bir Qapshaǵaı qalasynyń ózinde kóp bolyp shyqty.  Sonymen qatar jańadan paıda bolǵan shaǵyn aýdandarda bir de bir kóshe ataýlary joqtyǵy komısıanyń osy otyrysynda aıtyldy. Kósheler ǵana emes, keıbir eldi mekenderdiń atyn ózgertý de kezek kúttirmes mindettiń biri bolý kerektigi osy otyrysta áńgime ózegi boldy.
Qaralǵan másele negizinde Qapshaǵaı qalasy ákiminiń orynbasary komısıa  otyrysynyń ótkizilý merzimin jasap, bekittirip alý jóninde jáne kóshe ataýlaryn bererde tarıhı faktilerge súıený qajettigi men turǵyndardyń pikirlerin eskerip, zertteýi jóninde  «Qapshaǵaı qalasy mádenıet jáne tilderdi damytý bólimi» memlekettik mekemesiniń basshysy Bıbigúl Kenjehanqyzy Shaıkenova naqty tapsyrma berdi. Kóterilip otyrǵan dúnıe óte mańyzdy bolǵandyqtan bul máselege qaıta aınalyp soǵyp, komısıanyń kelesi otyrysynda atqarylǵan istermen qatar oryndalýǵa tıisti jumys jospary qaralatyn bolmaq. Komısıanyń kezekti otyrysynda osy sheshim qabyldandy.

Altynbaı SHÁKENULY.