Shymkent qalalyq ákimdiginiń sheneýnikterine qyzmettik kólikteri qaıtaryldy, dep habarlaıdy Qamshy.kz aqparat agenttigi. 

Eske salaıyq, bir aı buryn bul qyzmettik kólikter turaqqa qoıylyp, bir aı boıy qala ákiminiń orynbasarlary, bólim basshylary men aýdan ákimderi jáne olardyń orynbasarlary qyzmettik kólikti paıdalaný múmkindiginen aıyrylǵan bolatyn. Sonymen qatar, áleýmettik jelide Shymkenttiń eks-ákiminiń avtobýstaǵy sýreti keń taralaǵan.

Shymkenttik sheneýshikter qoǵamdyq kólikte jáne ózderiniń jeke kólikterinde júrý arqyly halyqtyń jaǵdaıymen tanysyp, birshama usynystar jasaǵan. 

Aıta ketsek, 7-shi qarashada Shymkent qalasynyń ákimi bolyp Nurlan Saýranbaev saılanǵany habarlanǵan bolatyn. 

Jyl sońyna deıin Shymkentte qalanyń shetki eldi mekenderinen ortalyqqa qatynaıtyn jańadan 12 baǵyt qosylady. 

Sonymen qatar, qalalyq jolaýshylar kóligi jáne avtokólik joldary bólimi aldaǵy ýaqytta Shymkentten memlekettik avtobýs parkin ashýdy usynyp otyr. Bul baǵyttaǵy ilkimdi ister qazirdiń ózinde bastalyp ketti.