Memleket basshysy Nursultan Nazarbaev Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy Qaırat Qojamjarovty qabyldady, dep jazady Qamshy.kz aqparat agenttigi.
Jańa zań qybyldanǵaly 3400 qylmystyq is áshkerelengen. Sonyń saldarynan 15 mlrd teńge shyǵyn anyqtalyp, 11-i memleketke qaıtaryldy. Qaırat Qojamjarov Prezıdentke osy salada atqarylyp jatqan jumystar jaıly esep berdi.
Prezıdenttiń bıylǵy joldaýynyń sońǵy abzasynda jemqorlyqpen kúres týraly aıtylǵan.
"Biz eldegi sybaılas jemqorlyq deńgeıin tómendetý baǵytynda eleýli qadamdar jasadyq. Alaıda, basty nazar kóbine sybaılas jemqorlyqtyń saldarlarymen kúresýge aýdarylyp otyr.
Sybaılas jemqorlyqtyń sebepteri men alǵysharttaryn anyqtap, olardy joıý jumysyn kúsheıtý qajet.
Mańyzdy máseleniń biri – satyp alý salasyn jetildirý.
Úkimetke memlekettik satyp alý júıesin ortalyqtandyrylǵan qyzmet qaǵıdaty boıynsha engizýdi tapsyramyn.
Kvazımemlekettik sektorda, tabıǵı monopolıa jáne jer qoınaýyn paıdalaný salalarynda da satyp alý sharalaryn ótkizý ádisterin túbegeıli qaıta qarastyrý kerek.
Sybaılas jemqorlyqpen kúreste kóp nárse búkil qoǵamnyń belsene atsalysýyna baılanysty. Áleýmettik jeliniń, ózge de medıa-resýrstardyń damýy jaǵdaıynda, sybaılas jemqorlyqqa qarsy is-áreket barysynda ony jalpy jurtshylyqtyń jek kórýi kúrestiń qýatty quralyna aınalýǵa tıis", - delingen joldaýda.
Nursultan Nazarbaev sybaılas jemqorlyqqa qarsy kúresti kúsheıtýdi tapsyryp, memleket qarajatyn tıimdi paıdalaný kerektigin aıtty.
Nursultan Nazarbaev, Qazaqstan Respýblıkasynyń Prezıdenti:
– Keıingi jyldardyń ishinde jemqorlyqqa qarsy kúres úlken qarqyn aldy dese bolady. Osy másele jóninde jańa zańǵa qol qoıǵan kezde qyzmetkerlerge laýazymdy adamdarǵa maǵan jaqyn adamdardyń barlyǵyna jeńildik bolmaıdy zańdy túrde shuǵyldanamyn osymen dep.
Qaırat Qojamjarov, QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy:
– Qurmetti Nursultan Ábishuly, bizdiń agenttiktiń qyzmetkerleri sonyń ishinde tóraǵanyń orynbasarlary sońǵy jarty jylda búkil Eýropa, Amerıka, Shyǵys elderine bizdiń sybaılas jemqorlyqqa qarsy kúres qyzmetin kórsetip kele jatyr. Sonda eń bastysy Qazaqstanda úlken mashtabta júrgizilip jatqan Elbasynyń saıası jigerligi aıtylady. Sonymen qatar búgingi qabyldanǵan zańnamanyń barlyǵy da qazirgi ýaqytqa saı. 3400 qylmystyq is áshkereledik. Sonyń 1000 sotqa berildi. 15 mlrd shyǵyn aıqyndalyp, 11 mlrd qarjyny ornyna qoıdyq. Búgingi kúni bul jumys qarqyndy túrde júrgizilýde.
Nursultan Nazarbaev, Qazaqstan Respýblıkasynyń Prezıdenti:
– Sondyqtan aıtatynymyz, barlyq qyzmetkerlerge, jergilikti basshylarǵa, ákimshilikterge memlekettik qarjyny únemdeý kerek. Ol qarjyǵa qoja retinde qaraý kerek. Memlekettiń aqshasy – halyqtyń aqshasy. Osy jumystardy ári qaraı da jaqsylap júrgizetin bolaıyq.
