Birinshi jaǵdaı keshe keshkisin Adyrbekov kóshesiniń boıyndaǵy «Madına» dúkeninniń mańynda oryn aldy. Qaraqurym toptyń arasynda Qadısha adasqan bolatyn. Quramynda qatardaǵy  Musa Qabdrash, Erjan Saǵyndyqov jáne Gennadıı Kılın bar áskerı jasaq, sol mańda qoǵamdyq tártip pen qaýipsizdik qamtamasyz etý boıynsha qyzmet barysynda jylap turǵan kishkentaı qyzdy baıqaıdy,-dep jazady Qamshy.kz aqparat agenttigi.

Búldirshin kóshede atasymen birge serýendep júrip, bir sátte adasqanyn bilmeı qalypty. Kishkentaı Qadıshanyń sýretteýimen balanyń jaqyndaryn izdeýge kirsken ulandyqtar, kóshedegi adamdardan suraý júrgizedi. Araǵa jarty saǵat salyp  qyzdyń atasyn taýyp beredi. Nemeresimen qaýyshqan aqsaqal quqyqtyq tártip jaýyngerlerine qyraǵylyǵy men jedel áreketi úshin úlken alǵysyn bildirdi.

Ekinshi jaǵdaı da jekesenbi kúni keshki mezgilde  bolǵan. Ulttyq ulannyń jaýyngerleri qatardaǵy Ernar Qabylbek, Nurdáýlet Serikuly  jáne Nurǵalı Ómirzaqov patrúldeý baǵyty boıynsha kele jatyp, eki balanyń joǵalǵany týraly aqparat alady.

Tórt jasar  Sultan jáne eki jasataǵy Mádına Ermekter Respýblıka dańǵyly boıynda kózden tasa bolypty. Osydan keıin, áskerı jasaq tez arada joǵalǵan balalardy izdeý jumystaryna kirisiedi. Ulandyqtardyń qyraǵylyǵynyń arqasynda  shamasy on bes mınýt ishinde balalar tabylyp, jaqyndaryna tapsyryldy.