26 qarashada Grýzıa astanasy Tbılısıde on besinshi «Balalar Evrovıdenıesi» án baıqaýynyń fınaly ótedi dep habarlaıdy Qamshy.kz aqparat agenttigi. Jas ártister EuroClub-ta baqtaryn synaıdy.

Baıqaý barysynda Tbılısı qonaqtaryna arnalǵan mádenı sharalar ótetin klýb Evrovıdenıe qatysýshylaryna men jankúıerlerine arnap qatysýshy elderdiń túrli saýyqkeshterin, fanattarmen kezdesýler ótkizip, tanymal ánshilerdi sahnaǵa shyǵarady. Jas qazaqstandyqtardyń mundaı mýzykalyq shara aıasynda óner kórsetýi bizdiń elimizdiń álemdegi eń iri ulttyq habar taratý uıymy Eýropalyq habar taratý odaǵyna (European Broadcasting Union, EBU) qosylýǵa qatysty josparyn júzege asyrýdyń alǵashqy qadamy bolyp esepteledi. 

Evrovıdenıede Qazaqstan atynan óner kórsetetin jas talanttyń biri Muhammed–Álı Júginisov. Ol 14 jasqa endi tolsa da, halyqaralyq saıystardyń laýreaty atanǵan, Gresıada ótken halyqaralyq "Paradise Holiday" festıvaliniń gran-prı júldegeri, Qazaqstannyń maqtanyshy. 11 jasynda halyqaralyq  «Detskaıa Novaıa volna – 2014» baıqaýynan 3 oryn ıelengen, al 2016 jyly Máskeýde ótken Igorá Krýtoıdyń «Bıtva talantov» baıqaýynda gran-prı jeńip alǵan.

«Detskaıa novaıa volna – 2015» baıqaýynda «Gaýhar qol» syılyǵyn ıelengen Danelıa Tóleshova da baıqaýǵa qatysady. Danelıa osy ýaqytqa deıin talaı márte festıválderge qatysyp,  Valerıa, Jasmın, Núsha, Lido sıaqty ánshilermen qosylyp án aıtqan. Al jaqynda talantty ánshi Ýkraınada ótken «Golos. Ditı» mýzykalyq baıqaýynyń qatysýshysy atanyp, ǵalamtordy dúr silkindirdi.    Demı Lovatonyń Stone Cold ánin óte sheber oryndap shyqqan qyz bala kórermenderdi de, qazylardy da tańǵaldyrdy. Qazylar alqasynyń músheleri tipti alǵashqy sekýndtan-aq oryndyqtaryn buryp aldy. Onyń Youtube saıtyndaǵy beınejazbasy mıllıonnan astam kórsetilim jınady.

Taǵy bir talanttyń esimi – Alýa Serikhanova – kóptegen respýblıkalyq baıqaýlardyń júldegeri.  Sahnaǵa úsh jasynan bastap shyqqan. Bıyl kóktemde Belarýs elinde ótken «Zolotye klúchı» baıqaýynda birinshi oryn aldy.

Marıa Zatvarnıskaıa jáne Merhat Jylqybaev ta Evrovıdenıe aıasynda Qazaqstannyń namysyn qorǵaıdy. Olar Álıa Nazarbaeva uıymdastyrǵan «Bala daýysy» Birinshi Ulttyq balalar án baıqaýynyń jartylaı fınalyna deıin jetken.
12 jastaǵy Masha Zatvarnıskaıa daryndy balalarǵa arnalǵan mýzykalyq mektep-ınternatta vokal jáne fortepıanodan dáris alady. 13 jastaǵy Merhat Jylqybaev Pavlodar oblysynyń «Zará» aýylynda turady. Merhat dombyranyń qulaǵynda oınaıdy jáne mekteptiń kóńildi tapqyrlar klýbynyń múshesi.