Búgin Úkimet úıinde QR Premer-Mınıstri Baqytjan Saǵyntaev korporasıanyń bas atqarýshy dırektory, dırektorlar keńesiniń tóraǵasy Djon Ýotsonnyń basshylyq etýimen «Shevron» ókilderimen kezdesý ótkizdi, dep habarlaıdy Qamshy.kz aqparat agenttigi Premer-Mınıstrdiń baspasóz qyzmetine silteme jassı otyryp.

Kezdesý barysynda munaı-gaz salasynda birlesken jobalardy odan ári iske asyrý máseleleri talqylandy. Aıta keteıik, «Shevron» kompanıasy álemdegi besinshi iri biriktirilgen energetıkalyq kompanıa jáne Kaspıı óńirinde jumys isteıtin kóshbastaýshy jeke munaı óndirýshisi. Kompanıa munaı men gaz óndirý, qaıta óńdeý, munaı hımıasy, elektr energıasyn óndirýmen aınalysady, geotermaldy energıa jáne bıootyn salasynda ázirlemeler júrgizedi. Qazaqstan Respýblıkasynda «Shevron» kompanıasy «Teńizshevroıl» JSHS (50%), Qarashyǵanaq jobasynda (18%), Kaspıı qubyr jelisi konsorsıýmyna (15%) qatysady.