Reuters aqparat agenttigi Zımbabve prezıdenti Robert Mýgabeniń otstavkaǵa ketkenin habarlady. Mýgabe óz hatynda «sheshimdi erikti túrde qabyldaǵanyn, bılikti beıbit jolmen tapsyrýǵa daıyn ekenin» aıtqan,- dep jazady Qamshy.kz aqparat agenttigi.

Prezıdent bılikten ketken soń el astanasy Hararede halyq kóshege shyǵyp, toılaı bastaǵan.

15 qarashada Zımbabvede áskerıler tóńkeris jasap, bılikti basyp alǵan. Al 19 qarashada "Zımbabveniń afrıkalyq ulttyq odaǵy – Patrıottyq maıdan" partıasy Mýgabeni partıa basshylyǵynan alyp, bılikten ketpese ımpıchment jarıalaıtynyn málimdegen. Osy kúni Mýgabe eldegi CNN arnasynyń efırinde sóılegen sózinde «bılikten ketpeıtinin» aıtqan edi.

93 jastaǵy Robert Mýgabe Zımbabve Ulybrıtanıadan táýelsizdik alǵan 1980 jyldan beri bılikte otyrǵan.