Qazaqstan Respýblıkasy Mádenıet jáne sport mınıstrligi Tilderdi damytý jáne qoǵamdyq-saıası jumys komıtetiniń tapsyrmasymen «Sh. Shaıahmetov atyndaǵy tilderdi damytýdyń respýblıkalyq úılestirý-ádistemelik ortalyǵy» RMQK 15 qyrkúıekte «Buqaralyq aqparat quraldary jáne til mádenıeti» taqyrybynda respýblıkalyq semınar-trenıng ótkizedi.

Aqparattyq qoǵamda BAQ ókilderi tórtinshi bılik qyzmetin atqarady. Bılik pen buqara arasyndaǵy baılanys pen eldiń saıası-ekonomıkalyq, áleýmettik-mádenı damýyn nasıhattaý jýrnalıserdiń basty mindeti. Sonymen qatar qazaq tiliniń memlekettik til mártebesine saı qyzmet etýi men ony damytýda da BAQ ókilderiniń mańyzy zor.

Semınar-trenıngtiń maqsaty: BAQ ókilderiniń qazaq tilindegi sózdik qoryn jetildirip, sóz saptaýyn, til mádenıetin túzetýge arnalady.

Semınar barysynda kásibı mamandar dáris oqyp, buqaralyq aqparat quraldarynyń memlekettik tilde aqparat taratýy, sonyń ishinde til normasynyń saqtalýy, sóıleý mádenıeti, termınderdiń retti qoldanylý máseleleri boıynsha sheberlik sabaqtaryn kórsetip, praktıkalyq tapsyrmalar beriledi.

Sharaǵa til bilimi jáne jýrnalısıka salasynyń bilikti mamandarymen qatar telearna, radıo, gazet, saıt tilshileri men SMM menedjerler qatysady. Jıyn sońynda qatysýshylarǵa sertıfıkat tabystalady.

Bastalýy: saǵat 10:00

Ótetin orny: Astana qalasy, Dostyq  k-si 8/1, ForteBank konferensıa zaly.