2017 jylǵy 22 qarashada Aqordada Qazaqstan Respýblıkasynyń Memlekettik hatshysy G.N.Ábdiqalyqovanyń tóraǵalyǵymen QR Prezıdenti janyndaǵy Azamattyq máseleleri jónindegi komısıanyń kezekti otyrysy ótti,- dep jazady Qamshy.kz aqparat agenttigi. 

Otyrysta Qazaqstan azamattyǵyna qabyldaý jáne odan shyǵý máseleleri qarastyryldy.

Memleket basshysy tıisti Jarlyqqa qol qoıǵannan keıin bizge jaqyn jáne alys shetelderden kelgen ár túrli etnostardyń 734 ókili jańa qazaqstandyqtarǵa aınalady.

Memhatshy táýelsizdik alǵan sátten beri 1 mln-nan astam adam elimizdiń azamattyǵyn alǵanyna toqtalyp ótti, bul Elbasy N.Á.Nazarbaevtyń basshylyǵymen batyl ósip-órkendep kele jatqan memleket retindegi Qazaqstannyń álemdegi tartymdylyǵyn aıǵaqtaıdy.

Gúlshara Ábdiqalyqova Tuńǵysh Prezıdent kúni qarsańynda elimizdiń jańa azamattaryn qýana qarsy alatynymyzdy aıtyp, olarǵa baqytty ómir jáne endi óz Otany bolyp sanalatyn elimizdiń ıgiligi jolyndaǵy eńbekterine tabys tiledi.

Memlekettik hatshy jańa otandastardyń elimizdiń laıyqty azamaty bola otyryp, egemen Qazaqstannyń budan ári damýy men baqýattylyǵyna óz úlesin qosatynyna senim bildirdi.

Sondaı-aq Syrtqy ister mınıstrliginiń jekelegen baǵyttaryndaǵy qyzmetiniń qorytyndylary talqylandy.

Komısıa otyrysynyń qorytyndysy boıynsha tıisti sheshimder men usynymdar qabyldandy.