Qyrǵyzstan prezıdenti Almazbek Atambaev 22 qarasha kúni marapattaý rásimi barysynda Qyrǵyzstannan amerıkalyq «Manas» tranzıttik ortalyǵyn alyp ketetinine eshkim senbegenin málimdedi. Onyń aıtýynsha, mundaı sheshimge kelýiniń sebebi – «kórshiles eki úlken derjavany qatty renjitip alǵan».
«Jasyratyny joq – Reseı men Qytaı. Bizde atadan qalǵan sóz bar «Alystaǵy týystan jaqyn kórshiń artyq» degen. Birinshi kezekte, Qytaı jáne Reseı syndy uly derjavalarmen dos bolýǵa tıispiz. Keıde bári kerisinshe bolady. Men qarym-qatynasty buzýǵa májbúr boldym», - dedi Atambaev.
2001 jyly Bishkektegi «Manas» áýejaıy mańynda AQSH-tyń áskerı bazasy ashylǵan. 2003 jyly baza tranzıttik ortalyqqa aınaldy. Eki jaqty kelisimniń merzimi 2014 jyly aıaqtalǵan, al Qyrǵyzstan kelisimdi uzartýdan bas tartty.