Parlament májilisiniń depýtattary sársenbide Qazaqstannyń keıbir zańnamalyq aktilerine aqparat jáne komýnıkasıalar máseleleri boıynsha ózgerister men tolyqtyrýlar engizý týraly zań jobasyn talqylap, ekinshi oqylymda maquldady,- dep Qamshy.kz aqparat agenttigi Azattyqqa siltep jazady.
Keıbir sarapshylar bul qujat sóz bostandyǵyn shektep, jýrnalıs qyzmetine kedergi keltiredi dep esepteıdi.
Qujatty tanystyrǵan aqparat jáne komýnıkasıa mınıstri Dáýren Abaev jobada memlekettik organdardyń jýrnalıser saýalyna jaýap berý merzimi buǵan deıin usynylǵan 15 kúnnen 7 kúnge azaıtylǵanyn aıtty. Alǵashqy oqylymda depýtattar 15 kúnnen keıin alynǵan aqparattyń mańyzdylyǵy joıylyp, eskirip ketetinin aıtyp, qarsylyq bildirgen bolatyn. Abaev depýtattardyń bul usynysyn jumysshy tobynda talqylaýǵa daıyn ekenin aıtqan edi.
Abaevtyń sózinshe, jobada memlekettik organdardyń "qoǵam ómirine asa mańyzdy oqıǵa nemese tótenshe jaǵdaılar" kezinde úsh saǵat ishinde resmı aqparat taratýyn mindetteıtin talap qoıylǵan.
Mınıstr bul jolǵy jobada telearnalarda dinı taqyryptaǵy jáne balalarǵa arnalǵan baǵdarlamalar arasynda jarnama berýge tyıym salý jaıy da qarastyrylǵanyn aıtty. Buǵan qosa, jýrnalıserge azamattardyń jeke basyna qatysty, atap aıtqanda qarjylyq jaǵdaıy, esepshoty, bala asyrap alýy sıaqty aqparattardy olardyń ruqsatymen jarálaýyn mindetteý qarastyrylǵan.
Mınıstr Abaev BAQ týraly zań jobasyn parlamentte alǵash tanystyrǵan kezde jeke azamattar nemese zańdy tulǵalar men BAQ arasyndaǵy daýdy taraptar sotqa jetkizbeı retteýine de, medıator arqyly sheshýine de bolatynyn jáne BAQ salasyndaǵy kez-kelgen qoǵamdyq uıymnyń medıator qyzmetin atqara alatynyn aıtqan bolatyn.
