Saýd Arabıasynda tutqyndalǵan memleket ókilderi, onyń ishinde hanzadalar jaýap alý barysynda azaptalyp jatyr. Bul týraly RIA Novostı málim etti, dep habarlaıdy Qamshy.kz aqparat agenttigi.

«Olardy uryp, azaptap jatyr, qorlap jatyr. Erkindigin tejeýge tyrysyp baǵýda», - dep habarlady esiminiń belgisiz bolýyn qalaǵan bireý basylymǵa.    

Aıta keteıik, qarashanyń basynda Saýd Arabıasynda jemqorlyqpen kúres komıteti eldiń 40 yqpaldy azamatyn – koróldik otbasy múshelerin, burynǵy mınıstrlerdi, áskerıler men iri kásipkerlerdi ustaýǵa buıryq alǵan. Alǵashqy jemqorlyqqa qarsy kampanıa aıasyn tergeý barysynda 100 mıllıard dollarǵa jýyq jemqorlyq áreketter anyqtalǵan.

Basylymnyń málimetinshe, azaptaýǵa Blackwater jeke áskerı kompanıasynyń murageri sanalatyn amerıkalyq Acadtmi qaýipiszdik kompanıasynyń qatysy bar. Alaıda Academi ókili muny joqqa shyǵardy.

Al tergeýge Saýd Arabıasynyń taq murageri Muhammed ben Salman ál Saýdtyń ózi qatysýy múmkin ekeni habarlandy. Osylaısha Muhammed ben Salman hanzadalardan para alǵan sheteldik sheneýnikterdiń boljamdy jelisin anyqtamaq.

Basylymnyń habarlaýynsha, bank esepshotynan 194 mıllıard dollar tárkilengen.