Astanada Parlament Májilisiniń Spıkeri Nurlan Nyǵmatýlınniń tóraǵalyǵymen «Qazaqstan Respýblıkasynyń eldi mekenderin sapaly aýyz sýmen qamtamasyz etýdiń ózekti máseleleri» taqyrybynda parlamenttik tyńdaý ótýdedep habarlaıdy Qamshy.kz aqparat agenttigi.

Elbasy Nursultan Nazarbaevtyń saıasatynyń jáne strategıalyq maqsattarynyń arqasynda Qazaqstannyń joǵary tabystarǵa jetkenin, barlyq salada kóptegen mańyzdy jobalar júzege asyrylǵanyn sóz ete kelip, N. Nyǵmatýlın aýyz sý máselesine aıryqsha nazar aýdardy.

«Sý bar jerde bereke de bar» deı kelip, Májilis Tóraǵasy bizdiń elimizde aýyz sý memlekettik deńgeıdegi negizgi suraqtardyń biri ekenine toqtaldy. 

Osy salada   «Taza aýyz sý»,  «Aq bulaq» sıaqty   birqatar jobalar   júzege asyryldy. Bul jumystar  qazirgi ýaqytta «Óńirlerdi damytýdyń 2020-shy jylǵa deıingi  baǵdarlamasy»  jáne «Nurly jol» arqyly jalǵasyn  taýyp otyr.

Ony   zańdyq turǵydan qoldaý  úshin  Májiliste de kóptegen sharalar    atqarylyp keledi. Depýtattar tıisti  memlekettik organdarǵa usynystar jasap, búdjetten qosymsha qarajattar  bólýge de erekshe yqpal etken.  

Sondyqtan,  

- aýyzsý máselesin sheshýge memleketten jyl saıyn kerek qarjy    bólinip otyr. Endigi másele ony tıimdi paıdalaný. Al, ol úshin barlyq jumystardy durys uıymdastyryp, sýdy paıdalanýdyń jańa tehnologıalaryn engizý qajet. Osyǵan oraı  jer asty   sýlaryn    paıdalanýǵa qatysty naqty jospar jasap, aýyldarda jańa sý qurylystaryn qolǵa alý kerek. Osynyń barlyǵy aýyzsý máselesin tolyqtaı   sheshýge     múmkindik beredi,-dedi Májilis Tóraǵasy.

Sonymen birge,   N. Nyǵmatýlınniń pikirinshe, halyq arasynda sýdy únemdep paıdalaný týraly aqparat jumystaryn  júrgizýdiń de mańyzdylyǵy zor.

Odan ári Májilis Tóraǵasy eldi mekenderdi aýyzsýmen qamtamasyz etýde oryn alyp otyrǵan olqylyqtarǵa toqtaldy. Ol, sý qurylǵylary nysandaryn ornatýda birizdiliktiń, sonymen birge, eldi mekenderde sý ınfraqurylymdaryn tartýda biryńǵaı operatordyń joqtyǵy.