Ál-aýqaty syrtqy naryqqa ǵana baılanysty el eshqashan naǵyz egemendikke ıe bola almaıdy. Muny aıdan anyq baıqaǵan memleket basshysy bolashaqty oılady. Keńes Odaǵy kezinde jasalǵan SHQO ónerkásiptik áleýeti jas memleketke qajetti jańa óndiris oshaqtaryn ashýǵa jol ashty, — dep jazady Qamshy.kz aqparat agenttigi.
2009 jyldyń 9 qarashasynda Qazaqstan Respýblıkasy Úkimetiniń «Óskemen qalasynda avtokólik qurastyrý óndirisin jasaqtaý týraly» №1684 Qaýlysy qabyldandy. 2001-2002 jyldary «BIPEK AVTO» kompanıasy óndiristik qýatyn belsendi daıyndaýmen aınalysty. 2002 jyldyń jeltoqsan aıynan bastap bastapqy memlekettik tirkeýden ótken «AZIA AVTO» AQ iri torapty avtokólik qurastyrýdy bastady. Otandyq avtokólik óndirisiniń shyǵarǵan alǵashqy kóligi «Nıva» avtokóligi boldy.
2003 jylǵy 13 tamyzda zaýytqa QR Prezıdenti Nursultan Nazarbaev keldi. Ol «Nıva» avtokóliginiń róline otyryp: «Búginde qazaqstandyq tutynýshyǵa «Nıva» kóligi – jeńil kóliktiń eń saı túri» dedi. Prezıdent kásiporyn basshysy Anatolıı Balýshkın men zaýyt ujymyna sáttilik tiledi.
«Nıva» kóligin shyǵarý qazaqstandyq avtonaryqtyń barlyq suranysyn qanaǵattandyra almady. Budan keıin «AZIA AVTO» kompanıasy Skoda jáne Chevrolet avtokólikterin qurastyrýdy bastady. 2007 jyldyń 15 maýsymy kúni Qazaqstan Prezıdenti Nursultan Nazarbaev «AZIA AVTO» zaýytyndaǵy Chevrolet avtokólikterin qurastyrý konveıeriniń iske qosylýyna qatysty.
2007 jylǵy 16 qarasha kúni Beıbitshilik pen kelisim Saraıynda Nursultan Ábishuly «AZIA AVTO» AQ-ny «Sapa salasyndaǵy jetistigi úshin» syılyǵymen marapattady. Óskemendik avtokólik qurastyrý kásiporyny óndiris baǵytyndaǵy eń úzdik kásiporyn retinde tanyldy.
Avtokólik qurastyrýdaǵy jetistikter «AZIA AVTO» basshylyǵyn avtokólikti daıyn bólshekterden qurastyryp qana qoımaı, qajetti bólshekterdi shyǵaratyn tolyq sıkldi óndiris salýǵa ıtermeledi. 2014 jyly tolyq sıkldi óndiris qurylysyn júrgizý týraly sheshim qabyldandy.
2016 jyldyń maýsym aıynda Nursultan Nazarbaev Óskemen qalasyndaǵy tolyq sıkldi avtokólik óndirisi salynyp jatqan aýmaqpen tanysty. Otandyq avtokólik qurastyrý óndirisiniń taǵdyrý únemi Qazaqstan Prezıdentiniń nazarynda.
Irına Plotnıkova
