Qazaqstan – bolashaqqa baǵyt alǵan memleket. Prezıdenttiń el aldyna qoıǵan ór maqsaty jastardyń sapaly bilim alýyna degen talapty kúsheıtti. Óıtkeni, jastar – kele jatqan aýqymdy ózgeristerdiń negizgi strategıalyq resýrsy. Budan atalmysh resýrsty tárbıelep shyǵaratyn adamdarǵa degen nazar erekshe, — dep jazady Qamshy.kz aqparat agenttigi.

2007 jyly Prezıdent Nursultan Nazarbaev Qazaqstannyń muǵalimderimen jáne daryndy oqýshylarymen kezdesti. Bul kezdesýge ár óńirden 40 muǵalim qatysty. SHQO-dan Óskemen qalasyndaǵy №10 mektep-gımnazıasynyń nemis tili muǵalimi Roza Jaqupova, Oblystyq fızıka-matematıkalyq lıseıdiń matematıka pániniń muǵalimi Andreı Verensov, «Arına» bastaýysh gımnazıasynyń dırektory Lúdmıla Mıller qatysty. Bul adamdar óz isteri arqyly Prezıdentpen kezdesýge quqyq alǵan azamattar.

Roza Babykenqyzynyń qolynan shyqqan barlyq túlekter nemis tilinde erkin sóılep, nemis tildi elderdegi kez kelgen joǵarǵy oqý ornyna emtıhansyz túsýge múmkindik aldy. Óıtkeni olar GFR Jeri Mádenıet Mınıstrligi Konferensıasynyń İİ dárejeli tildik dıplomyna emtıhan tapsyryp qoıǵan. Roza Jaqupovanyń 27 oqýshysy respýblıkalyq olımpıadalardyń júldegerleri atandy. Boza Babykenqyzy – QR bilim salasynyń qurmetti jumysshysy, «Olımp bıigine bastaýshy» qurmet belgisimen marapattalǵan.

Andreı Verensovtyń oqýshylary ártúrli deńgeıdegi olımpıadalardyń júldegerleri. Al Andreı Iýrevıchtiń ózi birneshe ret kásibı konkýrstardyń júldegeri atanǵan.

Lúdmıla Mıller «Arına» bastaýysh gımnazıasyn quryp, basqaryp keledi.

Prezıdent kezdesý barysynda ustazdarǵa bolashaqty qalaı kóretinin aıtyp, Qazaqstannyń bolashaǵy úshin atqaryp jatqan jumystary úshin alǵys bildirdi.

Irına Plotnıkova