Búginde jańa urpaq qana emes, ortańǵy urpaq ta memleketimizdiń saıasatyna saı úshtuǵyrly til saıasatyn qoldap, aǵylshyn tilinde sóıleý ǵana emes, jaratylystaný pánderin mektepte, joǵarǵy oqý oryndarynda basqa tilde júrgizýge at salysýda. Sol sebepti Bilim jáne Ǵylym Mınıstrligi mektep, ýnıversıtet muǵalimderi men oqytýshylaryn 2016 jyldan beri aǵylshyn tilin ıgerýge daıyndaýda. Osy kúni elimizdiń túkpir-túkpirinen muǵalimder kelip, óz bilimderin kóterýge jan-jaqty shet tilinde bilim alýǵa kelip-ketýde.
Basqa tildi bilseńiz, basqa ilim óz esigin Sizge aıqara ashatyny bárimizge málim. Bizge de dál osyndaı bir múmkindikti Halyqaralyq joba Erasmýsplús baǵdarlamasy aıasynda berip otyr. Ál-Farabı atyndaǵy Qazaq ulttyq ýnıversıtetiniń beldi mamandary fılologıa jáne álem tilderi fakúltetiniń shetel fılologıasy jáne aýdarma isi kafedrasynyń meńgerýshisi D.A. Qaraǵoıshıeva men tarıh fakúltetiniń álem tarıhy, tarıhnama jáne derektaný kafedrasynyń meńgerýshisi G.S. Sýltangalıeva 2017 jyldyń qazan aıynyń 8-nen 19-na deıin Irlandıanyń Lımerık qalasynda «Úzdiksiz bilim alý men únemdeýge arnalǵan transregıonaldy aqparatty saýattylyq («Developing Trans-regional information literacy for lifelong learning and knowledge economy»)» atty Erazmýs+ baǵdarlamasy boıynsha Halyqaralyq jobamen jumys semınaryna qatysyp, aǵylshyn tilderin tereńdeı tájirıbeden ótkizdi. Atalmysh semınar shetel tilderiniń mamandaryna tek qana tildik qana emes, mádenı, tarıhı tájirıbe jınaýǵa múmkindik berdi.
Lımerık qalasy bul Irlandıanyń ekinshi kóne, ortalyq batysynda ornalasqan, halqy jaǵynan úshinshi oryn alatyn mádenı qala. Lımerık qalasyn Shanon atty ózen qaq ortasynan bólip jatyr. Lımerık qalasy tarıhtan kóne shirkeý, patsha saraıymen tanymal eken: Koról Djon saraıy; Marıa katedraly. Bul qalanyń qolóneri de aıtarlyqtaı damyǵan, máselen taza tabıǵı júnnen jasalǵan ár túrli tústi keýdesheler kóz jaýyn alady. Zamanaýı ónerden kósheleri ár túrli taqyryptarǵa arnalǵan kóshe sýretterin kórýge bolady. Halyqtyń ózine keler bolsaq, kóshede kezdesken adam kómektesýge daıyn, jaıdarly eken. Zamanaýı stılmen kıingen jastary qalanyń ómirine beıimdelgen jastaryn kóresiz.
Irlandıanyń ózi Atlant muhıtyna qorshalǵan túbek bolǵandyqtan, saıahatshylardy óziniń tabıǵatymen tań qaldyrady eken, máselen Irlandıanyń batysynda ornalasqan Moıer jartastary. Jan jaǵyńyz qorshaǵan sý, sýyq jel, bıik jartastar birneshe jylda bolǵan tarıhı jerge qaıtadan alyp kelgendeı bir sezim syılaıdy. Tabıǵaty barlyq deneńizge daryp, Sizdi aýrýlaryńyzdan emdep alatyndaı áser qaldyrady eken.
Mine, osy da basqa tildi bilýdiń birden bir adamǵa beretin múmkindigi dep oılaımyn. Neǵurlym kóbirek til bilseńiz, soǵurlym kóbirek eldi aralaýǵa, tanysýǵa múmkindik beredi. Bizdiń bolashaq urpaǵymyz tilderdi meńgerýge óte ıkemdi, sondyqtan ortańǵy býyn osyndaı keleshekke jol berip, bolashaǵymyz bizdiń saýatty, ómirge ıkemdi urpaqtarymyzdyń qolynda ekenine senemiz. Biraq, árıne basqa tilder bizdiń óz ana tilimizdi qarańǵylap qalmaýy tıis, árqashanda biz urpaǵymyzǵa óz tilimizdi damytýǵa nasıhattaýymyz kerek. Til úırený barysynda da, sol eldiń tek qana jaqsy qasıetterin sinirýge tyrysý kerek dep túsinemin.
Shetel fılologıasy jáne aýdarma isi kafedrasynyń meńgerýshisi, PhD D.A. Qaraǵoıshıeva jáne tarıh fakúltetiniń álem tarıhy, tarıhnama jáne derektaný kafedrasynyń meńgerýshisi, d.f.n., prof. G.S. Sýltangalıeva
