Qyrǵyzstan prezıdenti Sooronbaı Jeenbekov eldiń burynǵy basshysy Almazbek Atambaevqa «Ak Shýmkar» erekshe belgisimen qatar «Qyrǵyz Respýblıkasynyń Batyry» ataǵyn berý týraly jarlyqqa qol qoıdy. Bul týraly qyrǵyz prezıdentiniń baspasóz qyzmeti habarlady, dep jazady Qamshy.kz aqparat agenttigi.
24 qarashada ótken ulyqtaý rásiminde Jeenbekov alǵashqy jarlyǵymen-aq Atambaevty marapattaýǵa ýáde berip, basshylyq qyzmettegi jetistikteri úshin rızashylyq bildirgen edi. Osydan keıin Atambaev kózine jas alǵan.
"Qyrǵyzstannyń memlekettik táýelsizdigin, halyq birligin, eldegi beıbitshilik pen kelisimdi nyǵaıtýǵa qosqan úlesi, Qyrǵyz Respýblıkasynyń turaqty damýyna berik negiz qalaǵany úshin, sondaı-aq kórsetken saıası erik-jigeri men batyldyǵy úshin Almazbek Atambaevqa «Ak Shýmkar» erekshe belgisimen birge «Qyrǵyz Respýblıkasynyń Batyry» joǵary dárejeli erekshelik belgisi beriledi", — delingen habarlamada.
23 qarashada ulyqtaý rásimi barysynda «Ata Meken» fraksıasynyń depýtaty Saıdýlla Nyshanov Atambaevqa Qyrǵyz Respýblıkasynyń Batyry ataǵyn berýdi usynǵan.
