Almatyda Joǵary sport sheberligi mektebiniń ujymymen kezdesý ótip, onda Elbasynyń «Qazaqstannyń úshinshi jańǵyrýy: jahandyq básekege qabilettilik» atty Joldaýynyń oryndalý barysy jáne «Bolashaqqa baǵdar: rýhanı jańǵyrý» maqalasyndaǵy negizgi baǵyttar talqylandy, dep jazady Qamshy.kz aqparat agenttigi.
İs-sharaǵa aqparattyq-nasıhattaý tobynyń músheleri, profesorlyq -oqytýshylar quramy men stýdentter, partıa fılıalynyń qyzmetkerleri jáne bastaýysh partıa uıymdary, sarapshylar men ÚEU ókilderi qatysty.
Jıyndy Joǵary sport sheberligi mektebiniń dırektory Nurbol Sydyqov ashyp, jınalǵandar aldynda sóz sóıledi.
Sport mektebiniń basshysynyń aıtýynsha bizdiń negizgi áleýmettik-ekonomıkalyq kórsetkishterimiz elimizdiń turaqty qarqynmen damyp kele jatqany. Ol sondaı-aq, árbir azamatqa qatysty Joldaýda qoıylǵan mindetter týraly aıtyp ótti.
«Memleket Basshysy halyqtyń densaýlyǵyn saqtaý, halyqty sportpen aınalysýǵa shaqyrý jáne salaýatty ómir saltyn nasıhattaýdyń mańyzdylyǵyerekshe kóńil bólip keledi. Bizdiń azamattarymyzdy belsendi, salaýatty ómir saltyna jas kezinen úıretý qajet. Bul jaǵdaıda sporttyq mektepterde úlken ról atqarýy kerek», — dedi Nurbol Sydyqov.
Óz kezeginde Bostandyq aýdany fılıaly tóraǵasynyń birinshi orynbasary Baımurat Jambylov qalada dene shynyqtyrý men sportty damytý úshin barlyq jaǵdaı jasalyp jatqanyn atap ótti. Ár aýlada zamanaýı sporttyq alańdar jáne qalada úlken sporttyq nysandar salyndy dedi.
-Memleket basshysynyńJoldaýy-bul negizgi baǵyttaýshy qujat bolyp tabylady. Alǵa qoıǵan maqsattardy tabysty júzege asyrý barlyq partıa músheleriniń birlese atqarǵan jumysyna baılanysty, — dep jalǵastyrdy ol.
Óz sózin qorytyndylaı kele, Baımurat Jambylov joǵary sport mektebiniń oqýshylaryna álemdik sport arenasynda jeńister men tabystarǵa jetýin tiledi.
Aıta keter bolsaq, Elbasy Nursultan Nazarbaev óziniń «Qazaqstannyń úshinshi jańǵyrýy: jahandyq básekege qabilettilik» atty joldaýynda bylaı dep atap ótken bolatyn: «Qazaqstan 2050 jylǵa qaraı álemdegi eń aldyńǵy qatarly 30 memlekettiń qataryna qosylýǵa tıis. Biz osy maqsatqa qaraı tabandylyqpen ilgerileı beremiz.
Jahandyq básekelestiktiń ósýi jáne álemdegi turaqsyzdyq jaǵdaıynda, 2012 jyly halqyma usynǵan «Qazaqstan-2050» strategıasynyń ózektiligi arta túsedi. Biz qıyndyqtardy ýaqtyly boljaı aldyq.
«Nurly jol» ekonomıkalyq saıasatynyń jáne «100 naqty qadam» Ult josparynyń nátıjesinde osynaý qıyn, jahandyq transformasıanyń alǵashqy kezeńinen laıyqty ótip kelemiz. Tek 2014-2016 jyldar aralyǵynda biz ekonomıkany qoldaýǵa qosymsha 1,7 trıllıon teńge jumsadyq. Munyń barlyǵy ekonomıkalyq ósimdi jáne bıznesti qoldaýǵa, 200 myńnan astam jańa jumys oryndaryn ashýǵa múmkindik berdi.
Nátıjesinde, 2016 jyly biz ishki jalpy ónimniń 1% ósimin qamtamasyz ettik. Bul qazirgi kúrdeli jaǵdaıda aıtarlyqtaı mańyzdy.
Álem qarqyndy túrde ózgerip keledi.
Bul – jańa jahandyq bolmys, ony biz qabyldaýǵa tıispiz»
