Elimizdiń 2025 jylǵa deıingi damýynyń strategıalyq jospary bekitildi, dep habarlaıdy Qamshy.kz
Mınıstrler kabıneti birneshe aı boıy qyzý talqylanǵan qujatty biraýyzdan qoldady. Ony talqylaýǵa bedeldi sarapshylar, iri kompanıalar men Dúnıejúzilik bank ókilderi qatysty. Strategıalyq jospar Qazaqstannyń ekonomıkalyq ósiminiń jańa modelin quryp, halyqtyń ál-aýqatyn jaqsartýǵa baǵyttalǵan.
Onyń basty maqsaty – elimizdiń 2050 jylǵa deıingi damý strategıasynda kórsetilgen maqsattardy júzege asyrý. Qujatqa sáıkes adam kapıtalyn, óndiristi arttyrý, bızneske qoldaý kórsetý, jalpy ishki ónimdi ulǵaıtý syndy 7 reforma oryndalady.
– 2025 jylǵa deıingi damýynyń strategıalyq jospary Qazaqstannyń úshinshi jańǵyrý básekege qabilettilik joldaýyn júzege asyrý maqsatynda ázirlengen. Birinshi deńgeıdegi qujat bolyp tabylady. Qujat 2020 jylǵa deıingi damý josparynyń ornyna ázirlendi. Halyqtyń pikiri eskerildi. Óńirli fokýs toptarmen kezdesý ótkizildi, - dep atap ótti QR Ulttyq ekonomıka mınıstri Tımýr Súleımenov jıynda.
Elbasy joldaýynda «Búgin men Qazaqstandy Úshinshi jańǵyrtý jóninde mindet qoıyp otyrmyn. Eldiń jahandyq básekege qabilettiligin qamtamasyz etetin ekonomıkalyq ósimniń jańa modelin qurý qajet», dep kórsetilgen.
