2017 jylǵy 9 qarashada Qorǵanys mınıstrliginiń Ulttyq áskerı-patrıottyq ortalyǵynda Qazaqstan Respýblıkasy Qorǵanys mınıstrliginiń bastamasymen ótkizilgen «Ásker-medıa-2017» tuńǵysh respýblıkalyq baspasóz festıvali baıqaýynyń qorytyndysy shyǵarylyp, marapattaý rásimi ótti, dep jazady Qamshy.kz aqparat agenttigi.

Marapattaý rásimi QR Qorǵanys mınıstrligi basshylyǵynyń, ortalyq telearnalardyń, merzimdi basylymdardyń bas dırektorlary men bas redaktorlarynyń, jetekshi jýrnalıser men tanymal blogerlerdiń, sportshylar men qoǵam qaıratkerleriniń qatysýymen ótti.

«Ásker-medıa-2017» respýblıkalyq baspasóz festıvaliniń qorytyndysy boıynsha mynadaı atalymdar boıynsha úzdik BAQ ókilderi tańdalyp alyndy. Atap aıtqanda, «Úzdik televızıalyq baǵdarlama», «Úzdik radıobaǵdarlama», «Baspasóz BAQ-taǵy úzdik materıal», «Aqparattyq agenttiktegi úzdik jumys», «Úzdik fotojumys», «Áleýmettik jeliler men blog-tuǵyrnamalardaǵy úzdik jumys», «Úzdik áskerı sholýshy», «Úzdik jas jýrnalıs», «Úzdik óńirlik BAQ».

Baıqaýǵa Qazaqstannyń túkpir-túkpirinen áskerı jáne áskerı-patrıottyq taqyrypta jýrnalıserdiń 300-ge jýyq jumysy usynyldy. Sheshýshi kezeńge 50-ge tarta qatysýshy shyqty, Olardyń jarıalanymdary men reportajdary joǵary kásibı deńgeı, taqyryptyń ózektiligi jáne mazmundaý mánerimen erekshelendi.

«Úzdik televızıalyq baǵdarlama» nomınasıasynda «Atyraý» telearnasynyń júrgizýshi redaktory Aınagúl Qalbaev jeńimpaz atandy.

Ádilqazylar alqasynyń pikirinshe «Qazaq radıosynyń» tilshisi Mádına Ishanovany úzdik radıobaǵdarlama ıegeri dep tanydy.

«Baspasóz BAQ-taǵy úzdik materıal» nomınasıasynda Shyǵys Qazaqstan oblysyndaǵy «Egemen Qazaqstan» gazetiniń jeke menshik tilshisi Azamat Qasym júldeger atandy.

«Aqparattyq agenttiktegi úzdik jumys» nomınasıasynda «Informbúro.kz» mýltımedıalyq aqparattyq-saraptamalyq portalynyń tilshisi Grıgorıı Bedenkonyń jumysyn úzdik dep tapty.

«Kazahstanskaıa pravda» gazetiniń fototilshisi Iýrıı Bekker «Úzdik fotojumys» atalymynda úzdik dep tanyldy.

«Áleýmettik jeliler men blog-tuǵyrnamalardaǵy úzdik jumys» nomınasıasynda tanymal bloger Aleksandr Mıroglovtyń jumysy laıyqty túrde baǵalandy.

«Karavan» gazetiniń sholýshysy Vladımır Severnyı úzdik áskerı sholýshy atandy.

Shyǵys Qazaqstan oblysy Úrjar aýdany Qarabulaq orta mektebiniń 11-synyp oqýshysy Rysgúl Daýtanova «Úzdik jas jýrnalıs» nomınasıasynda jeńimpaz atandy.

«Óńirlik BAQ-taǵy úzdik materıal» atalymynda «Atyraý» telearnasynyń júrgizýshi redaktory Nurgúl Ramazanova júldeger ataǵyn ıemdendi.

«Ásker-Medıa-2017» tuńǵysh respýblıkalyq baıqaýy aǵymdaǵy jylǵy shilde aıynda bastaý alǵanyn aıta ketken jón. Festıváldiń negizgi maqsaty Qarýly Kúshterdiń ashyqtylyǵy men qoljetimdiligin arttyrý, QK qyzmetin BAQ arqyly bilikti ári dáıekti túrde jarıalaý, pozıtıvtik qoǵamdyq pikir qalyptasyrý, áskerı qyzmettiń bedelin arttyrý jáne nasıhattaý, birlesken medıa-jobalardy júzege asyrý bolyp tabylady.