Almatydaǵy avıasıalyq bazaǵa kezekti S-295 áskerı-kóliktik ushaǵy kelip tústi, - dep jazady Qamshy.kz
Ushaqtyń bul túri maksımaldy uzaq qashyqtyqtyń barlyq aýmaǵyn qosymsha janar-jaǵar maısyz ushyp ótýge qabiletti. S-295 ushaǵy óte qarapaıym ári paıdalanýǵa tıimdi. «Airbus Military» avıasıalyq konserni bul modeldi óziniń senimdiligi, basqarý júıesindegi úzilissizdigi, janar-jaǵar maı únemdeýi, tehnıka men jeke quramdy tasymaldaý kezindegi manevri men mobıldiligi boıynsha ózge ushaqtardan erekshe jasaǵan. S-295 ushaǵyn Ispanıadan Qazaqstanǵa ekıpaj komandıri 1 synypty ushqysh podpolkovnık Dmıtrıı Gros basqarǵan Qazaqstan Áýe qorǵanysy kúshteriniń ushqyshtary basqaryp alyp kelgen bolatyn. «Osyǵan uqsas ushaqtardan ereksheligi bul ushaq 5 500 shaqyrymǵa deıingi qashyqtyqtaǵy ushýlardy oryndaýǵa qabiletti. Sonymen birge, osy ýaqyt aralyǵynda ushaqtyń jaǵar maı shyǵyny ózge ushaqtarǵa qaraǵanda eki eseege az», - dep atap ótti ekıpaj komandıri podpolkovnık Dmıtrıı Gros. Qazaqstan armıasynyń áskerı-kóliktik avıasıasy qataryn tolyqtyryp jatqan jańa tehnıkalar jaýyngerlik qabiletimiz ben utqyrlyǵymyzdy arttyrýǵa, sondaı-aq jeke quram men tehnıkany alys qashyqtyqqa tasymaldaýǵa zor múmkindik beredi.
Bul tektes ushaqtar Qazaqstanda 2012 jylǵy jeltoqsannan beri paıdalanylyp keledi. Búginde qazaqstandyq ushqyshtar men tehnıkter olardy tolyqtaı ıgerdi. S-295 ekıpajdary Qazaqstan aýmaǵynda jáne alys shetelderde ótken barlyq oqý-jattyǵýlarǵa qatysyp júr. Paıdalanýǵa berilgen eki jyl ishinde S-295 bizdiń tabıǵı-klımattyq jaǵdaıda ózin senimdi jáne kúı talǵamaıtyn ushaq retinde kórsetti.
Qazirgi tańda Qarýly Kúshterdiń tehnıkalyq jaraqtanýy aıtarlyqtaı artty. Qarýly Kúshterdi qazirgi zamanǵy avıasıalyq tehnıkalarmen jaraqtandyrý áskerlerdiń utqyrlyǵyn arttyryp, áskerı-kóliktik avıasıa parkin jańartýǵa múmkindik beredi.
Áýe qorǵanys kúshterin jabdyqtaý úshin úzdiksiz jańa zymyrandar men ushaqtar alynyp keledi. Áskerı-kóliktik avıasıany 2020 jylǵa deıin tolyq jabdyqtaımyz, degen edi sáýir aıyndaǵy QR Parlamenti Májilisiniń Qarýly kúshter qyzmeti boıynsha úkimettik saǵatynda Qorǵanys mınıstri Sáken Jasuzaqov.
«Búginde QR Qarýly kúshterin qarýly áskerı tehnıkamen jabdyqtaý 92 paıyzǵa jetti. MıG-27, MıG-23, MıG-29 ushaqtary shyǵarylyp jatyr. Eki sý-30 ushaǵynyń kelip túsedi dep josparlanǵan. Joǵary bas qolbasshyǵa bul ushaqtardyń asa qajeti ekeni jáne jyl saıyn tórteýin qabyldap otyrsaq durys bolatyndyǵy týrasynda aıtylǵan», - degen bolatyn mınıstr Jasuzaqov.
Sı-295 áskerı-transporttyq ushaǵy - ıspandyq «Eırbass Mılıtarı» kásipornynda jasalǵan jáne zamanaýı navıgasıa júıesimen jabdyqtalǵan ushaq. Sı-295 ushaǵy 9 tonnaǵa deıin júkti jetkizip, 70 áskerı qyzmetshini tolyq qarý-jaraǵymen tasymaldaı alady jáne qosymsha janarmaı quımaı 5 myń shaqyrymǵa deıin usha alady.
