Soltústik Koreıa kontınentaralyq balıstıkalyq zymyrandy jasaý baǵdarlamasynyń aıaqtalǵanyn jarıalady. Zymyran AQSH kontınentindegi kez kelgen jerge baǵyttalyp, soqqy jasaýǵa qabiletti, dep Qamshy.kz aqparat agenttigi CNN-ge súıene otyryp jazdy.

Ǵaryshta jumys isteıtin táýelsiz sarapshylar «eger zymyran Japonıa teńizine tańerteń erte saǵattarda qonyp, qarapaıym traektorıada iske qosylǵan bolsa, onyń  Vashıngtonǵa soqqy jasaýǵa qabiletti bolatynyn» aıtty.

Memlekettik telearnanyń arnaıy búleteninde: «Hvasong-15 tıpti qarý-jaraq júıesi - ICBM qurlyqaralyq balıstıkalyq zymyrany AQSH-tyń barlyq materıgine soqqy jasaýǵa qabiletti», - degen habar taratyldy.

Mundaı málimdemeni estigen Donald Tramp: «Kezekti zymyrannyń shyǵarylýy bizdiń atalmysh máselege degen kózqarasymyzdy ózgertpeıdi, biz bul jaǵdaıdyń sheshimin tabamyz», -dedi.

Senator Frans Klınsevıchtiń aıtýynsha, eger álem birigip áreket etse, Phenándy ornyna qoıýǵa bolady.