QR Aqparat jáne komýnıkasıalar mınıstri Dáýren Abaev Mınsk qalasynda Belarýs eliniń Joǵary tehnologıalar parkiniń dırektorymen kezdesti, dep habarlaıdy Qamshy.kz aqaparat agenttigi mınıstrliktiń baspasóz qyzmetine silteme jasap.
28 qarashada Mınskide Aqparat jáne komýnıkasıalar mınıstri Dáýren Abaev Belarýs eliniń Joǵary tehnologıalar parkiniń dırektory Vsevolod Ianchevskıımen ekijaqty kezdesý ótkizdi.
Kezdesýde taraptar startap ekojúıeleriniń damýyna jáne eki eldiń venchýrlyq qarjylandyrý ınstıtýttaryna qatysty máselelerdi talqylady. Sonymen qatar, sıfrlyq ekonomıka boıynsha komısıa qurý da josparlandy. Komısıa Qazaqstan-Belarýs saýda-ekonomıkalyq yntymaqtastyǵy boıynsha úkimetaralyq komısıasy aıasynda qurylady.
Sondaı-aq, kezdesýde talqylanǵan ózekti máselelerdiń biri – blokcheın tehnologıalaryn qoldaný men onyń quqyqtyq rettelýi boldy.
Kezdesý sońynda taraptar, joǵary tehnologıalar salasynda ekijaqty yntymaqtastyq jaıly kelisimge qol qoıdy.
