Qoıylatyn talaby men talǵamy joǵary áskerı maman bolý – árbir mektep bitirýshi er - azamattyń armany. Degenmen de, bolashaq áskerı - oqý oryndaryna kez-kelgen túlek joldama ala almaıdy. Aldymen, bolashaq kýrsanttardyń boıynan jigerlikpen jaýapkershilikti, qyraǵylyqpen saýattylyqty, densaýlyǵynyń jaramdylyǵy basty mindet sanalatyny sózsiz.
Búgingi tańda elimizdiń qorǵanysyn qamtamasyz etetin bolashaq ofıserlermen serjanttardy daıarlaıtyn áskerı - oqý oryndardyń ahýaly jyldan-jylǵa jaǵymdy jańalyqtarmen tolyǵýda.
Áskerı oqý - oryndar týraly aıtar bolsaq, respýblıka aýmaǵyndaǵy Astana, Almaty, Qaraǵandy, Shymkent qalalarynda «Jas ulan» respýblıkalyq mektebi, Almaty qalasynda Qurlyq áskerleri áskerı ınstıtýty men Radıoelektronıka jáne baılanys áskerı- ınjenerlik ınstıtýty, Aqtóbe qalasynda eki márte Keńes Odaǵynyń batyry T.J.Bıgeldınov atyndaǵy áýe qorǵanysy kúshteriniń áskerı ınstıtýty, Shýchensk qalasynda Sh.Ýálıhanov atyndaǵy Qazaqstan Respýblıkasy Qorǵanys mınıstirliginiń kadet korpýsy, Taldyqorǵan qalasynda «Arystan» mamandandyrylǵan áskerı lıseıi bar. Sonymen qatar, 17-21 jas aralyǵyndaǵy azamat osy aty atalǵan áskerı oqý - oryndarynyń qoıylǵan mindetterine saı kelse, tegin bilim alýǵa quqyǵyna ıe bolady.
«Úırengim keledi-úırene alamyn - úırený kerek» − degen sózdi aldyna maqsat ete bilgen Qazaly aýdany Áıteke bı kenti №266 mektep-lıseıiniń jas túlegi Abzal Zulharnaı qazirgi tańda Almaty qalasyndaǵy Radıoelektronıka jáne baılanys áskerı-ınjenerlik ınstıtýtynyń 1-kýrs kýrsanty.
«Abzal Baýyrjanuly: dańqty qolbasshy, B.Momyshuly "jurtym dep - jumylyp, elim dep - ezilip qyzmet et!", - degen naqyl sózin jazyp qaldyrǵan bolatyn. Qaharman batyrdyń órnektelgen sózine sáıkes, Otanǵa jan-tánimen qyzmet ete bilgen týǵan jerim Qazaly aýdanynyń týmasy Aýǵan soǵysynyń ardageri general-maıor Á. Ernıazov jáne aýdanyma kórshiles ornalasqan Aral qalasy Sekseýil kentinde dúnıege kelegen general-maıor M.Talasov sekildi bolashaqta «general» bolǵym keledi.
- Árıne, general sheniniń júgi aýyr. Ol úshin ár mınýtyńdy tıimdi jáne rýhanı dúnıege jumsaı bilýiń qajet, - dedi ol.
Jas túlek armanyn maqsatqa aınaldyrýǵa septigin tıgizgen synyp jetekshisi J. Aqbaevaǵa jáne bastapqy áskerı daıyndyq pániniń muǵalimi E. Berdalıevke alǵysy sheksiz. Zulharnaı Abzalǵa áskerı oqý-oryndy joǵarǵy dárejede bitirip, keleshekte Syr elinen shyqqan general bolsyn, − degen ıgi nıetimizdi bildiremiz.
A.Shaǵyrbaeva.
Qyzylorda oblysy qorǵanys isteri jónindegi departamenti baspasóz qyzmetiniń bastyǵy.
