2017 jyldyń 27-29 qarasha aralyǵynda «Qazaqstan» RTRK» AQ delegasıasy jumys saparymen Tokıoǵa baryp qaıtty. Sapar barysynda Japonıanyń eń tanymal telearnalarynyń biri – FujiTV –de bolyp, sol arnanyń tańǵy aqparattyq baǵdarlamalary men jańalyqtar bóliminiń uıymdastyrylý erekshelikterimen tanysty dep habarlaıdy Qamshy.kz aqparat agenttigi.
Sondaı-aq, NHK korporasıasyna baryp, búkil álemge habar taratatyn NHK World telearnasynyń tanystyrý rásimine qatysty. Kezdesý aıasynda qazaqstandyq delegasıa NHK habar taratýshy korporasıasynyń Prezıdenti - Rıochı Ýedamen jáne birqatar departamentterdiń basshylarymen tanysyp, ekijaqty kelissózder júrgizdi. «Qazaqstan» RTRK» AQ Basqarma Tóraǵasy – Erlan Qarın Astana jáne EKSPO-2017 mamandandyrylǵan kórmesi jaıly túsirilgen arnaıy baǵdarlama úshin japondyq áriptesterine alǵysyn bildirdi.
Aıta ketsek, uzaqtyǵy 2 saǵatqa jýyq atalmysh joba osy jyldyń qazan aıynda japondyq NHK telearnasynyń efırinde kórsetilgen bolatyn. Japondyq jýrnalıserdiń aıtýynsha bul japon televızıasy tarıhyndaǵy Qazaqstan jaıly túsirilgen eń aýqymdy jobalardyń biri.
Sondaı-aq, kezdesý barysynda eki jaq bolashaq josparlarymen bólisip, birlesip derekti fılmder shyǵarýmen qatar, ózara telehıkaıalar men kontent almastyrý sıaqty yntymaqtastyq baǵyttaryn qarastyrdy.
