Búgin qala medısına qaýymdastyǵymen ótken jıyn barysynda Almaty ákimi Baýyrjan Baıbek densaýlyq saqtaý basqarmasynyń jańa basshysy Serikbol Mýsınovty tanystyrdy.

Jıyn barysynda Almaty ákimi densaýlyq saqtaý basqarmasynyń 2016-2017 jyldary aralyǵynda atqarǵan jumystarynyń qorytyndylary týraly aıtty, densaýlyq saqtaýdyń negizgi kórsetkishteri boıynsha oń dınamıkaǵa qol jetken. Mysaly, balalar ólimi 2,5 ese tómendegen, týberkýlóz syrqatyna shaldyqqandardy ambýlatorıalyq emdeý 2 ese ósken. Bul osy syrqtattan qaza bolǵandar qataryn 36%-ǵa azaıtqan. Qala turǵyndary arasynda tynys alý organdary keselinen, jaraqat alýdan, juqpaly aýrýlardan qaza bolý kórsetkishi tómendegen.

«Eki jyl ishinde densaýlyq saqtaý salasyn qarjylandyrý aıtarlyqtaı ósti. Densaýlyq saqtaý salasynyń 7 obektisi iske qosyldy: 2016 jyly 3 nysan, 2017 jyly 4 obekti paıdalanýǵa berildi. Bıznestiń áleýmettik jaýapkershiligi aıasynda №36 qalalyq emhana jeke ınvestordyń qarjysy esebinen tolyq iske qosyldy. 2017 jyly densaýlyq saqtaýdyń 9 jańa obektisiniń qurylysy bastaldy. Qalaǵa qosylǵan eldi mekenderdi medısınalyq ınfraqurylymmen qamtýǵa aıryqsha nazar aýdarylýda», - dep atap ótti Baýyrjan Baıbek.

2016-2017 jyldary medısına uıymdaryn jabdyqtandyrýǵa 11 mlrd. teńgeden astam qarjy bólindi. Kelisilgen aqy tóleýdi engizý barysynda ótken jylmen salystyrǵanda dárigerlerdiń jalaqysy 19%-ǵa, orta medısına qyzmetkeriniń aılyǵy 9%-ǵa ósti.

Almaty ákimi basqarmanyń jańa basshysynyń aldyna prınsıpti jáne júıeli isti talap etetin birqatar mindetterdi qoıdy.

«Turǵyndardyń medısınalyq qyzmetke rıza bolýy- densaýlyq saqtaý basqarmasy jumysynyń basty kórsetkishi jáne negizgi krıterııi», - dedi qala ákimi basqarmanyń jańa basshysyna.

Jumys barysynda naqtyly máselelerge jiti nazar aýdarǵan jón, olar ana ólimin azaıtý, qan aınalymy júıesi syrqatyna shaldyqqandardy durys emdeý, basqa da baǵdarlamalar ındıkatorlaryn júzege asyrý. MJÁ mehanızmin barynsha jetildirip, turǵyndardy dárilermen úzdiksiz qamtamasyz etý, dáriger kadrlarynyń jetispeýshiligin sheshý de kún tártibinen túspeýi tıis. Qalanyń medısına salasyn sıfrly júıege kóshirý konsepsıasyn jasaǵan jón, ota bloktaryna zamanaýı tehnologıalardy, sonyń ishinde «Emergency Room» júıesin engizý isin jalǵastyrý qajet.

Densaýlyq saqtaý basqarmasynyń jańa basshysy eńbek jolyn 1980 jyly Aıagóz aýdandyq aýrýhanasynda dáriger-ıntern bolyp bastaǵan. Túrli jyldary Semeı oblysynyń densaýlyq saqtaý basqarmasynyń bastyǵy, QR Densaýlyq saqtaý mınıstrligi qoǵamdyq densaýlyq saqtaý Mektebiniń dırektory, Astana qalasy farmasevtik baqylaý basqarmasynyń bastyǵy, strategıalyq damý departamentiniń dırektory, QR Ulttyq bıotehnologıalyq ortalyǵynyń bas dırektory, Mańǵystaý oblysy densaýlyq saqtaý basqarmasynyń bastyǵy, QR Densaýlyq saqtaý mınıstrliginiń jaýapty hatshysy, QR densaýlyq saqtaý jáne áleýmettik damý mınıstriniń orynbasary, osy mınsıtriliktiń dári- dármekterdi, medısınalyq baǵyttaǵy ónimder men medısınalyq tehnıkany saraptaý jónindegi Ulttyq ortalyǵynyń bas dırektory, M.Aıqymbaev atyndaǵy karantın jáne zoonozdy juqpaly aýrýlar Qazaq ǵylymı ortalyǵynyń dırektory bolǵan jáne basqa da qyzmetterdi atqarǵan.