Sıngapýrlyq kásipkerler Almatydaǵy ınfraqurylymdyq jobalardy júzege asyrýǵa qyzyǵýshylyq bildirdi. Almaty qalasy ákiminiń Sıngapýrge jumys sapary barysynda aralda ornalasqan memlekettiń isker ortasy jáne qala ákimdigi arasynda ekijaqty kelisimge qoljetti. Ekijaqty kezdesý aıasynda Baýyrjan Baıbek syrtqy ister boıynsha aǵa memlekettik mınıstr –Sıngapýrdyń Ońtústik Shyǵys aýdanynyń Meri Muhammed Malık Osmanmen jáne Sıngapýrdyń saýda, óndiris ulttyq damý jónindegi aǵa memlekettik mınıstri Ko Po Kýnmen júzdesti.
İs sapar barysynda Sıngapýrdyń jer ústi kóligi jónindegi Agenttik qyzmetine erekshe nazar aýdaryldy, kólik júıesin ıntegrasıalaýdy jalpy qalanyń daýymen qosa júrgizý máselesi keńinen sóz boldy.
Búgingi kúni aýmaqtyń shektelýinen Sıngapýrde halyq tyǵyz ornalasqan, sondyqtan qoǵamdyq kólikti damytýǵa jete mán berilgen. Munda kólik turaqtaryn azaıtý, joldy paıdalanǵany úshin aqy tóleýdi engizý arqyly jeke kólikter qatary sıregen. Sıngapýr bıligi 2018 jyly eski kólikterdi joıý baǵdarlamasynyń arqasynda jeke kólik sanyn múldem azaıtýdy qarastyrýda. Eski kólik ár 10 jyl saıyn joıylady, jańa avtomobıl sodan keıin ǵana tirkeledi.
«Biz qazir aýqymdy kólik reformasyn júzege asyrýdamyz, smart sheshimderde Sıngapýr tájirıbesin paıdalanyp, adamdardyń ómir súrý jaǵdaıyn jaqsartamyz, ásirese kólik salasynda. Almatyda kún saıyn 700 myńnan astam kólik júrýde, sonyń saldarynan qala trafıgine qysym jasalýda. Biz qoǵamdyq kólikke erekshe nazar aýdaramyz. Jyl aıaǵyna deıin qala avtobýs parkiniń úshten biri jańarady, JRK jobasyna daıyndyqtar jasalýda ,BRT dálizi qurylady, metro qurylysy jalǵasady, avtobýstarǵa arnalǵan arnaıy jolaqtar uzyndyǵy 100 shaqyrymǵa deıin jetedi. Kólik turaqtary qolǵa alynyp, veloınfraqurylym, jaıaý júrginshi aımaqtary paıda bolýda», - dep atap ótti Baýyrjan Baıbek.
Almaty delegasıasy Sıngapýrdyń strategıalyq josparlaý, bas jospardy jasaý jáne qala qurylysyn baqylaý jónindegi Agenttiginiń jumys tájirıbesine jete mán berdi.
Bıylǵy jyly Almatyda qala ınfraqurylymynyń basym bóligi qaıta jańardy. Qalanyń tarıhı ortalyǵynyń úshten biri jaıaý júrginshige basymdyq berý maqsatynda qaıta jasalyp, barynsha jaıly ári erekshe tartymdy boldy. Ortalyqtandyrý qaǵıdasy boıynsha qalaǵa qosylǵan eldi mekender damý ústinde, ár aýdannyń erekshe tartymdy ortalyqtary bar. Búgingi kúni qalanyń Qalaqurylysy keńesinde aýmaqty jasyldandyrý, bala baqshalar, mektepter salý men qajett ınfraqurylymdy qamtamasyz etý sıaqty naqtyly talaptar qoıylýda.
«Qala aýmaǵyn josparlaýda turǵyndar sanyna boljam jasaý mańyzdy faktor.Bolashaqta biz barlyq turǵyndardy úımen, sapaly ınfraqurylymmen qamtı alamyz ba. Ol úshin qurylysty júrgizip, ortalyqtandyrý qaǵıdasyn basshylyqqa alý qajet, ıaǵnı ár aýdanda turǵyn úı, ákimshilik ortalyq, demalatyn oryn bolýy tıis.Bulardan ózge burynnan bar keńistik qaıta jasalady. Bizdiń jańa konsepsıamyzǵa sáıkes barlyq turǵyn úılerdiń 90%-y saıabaqtardan jarty shaqyrym radıýsta ornalasady.Sıngapýrdyń strategıasy – jasyl qala, ıaǵnı, baq ishindegi qala», - dedi qalany josparlaý Agenttigi Akademıasynyń dekany Só Ka Pıng jáne ol Almaty men Sıngapýrdyń uqsastyǵyn atap ótti.
Aıta keterligi,Almatyda saıabaqtar, gúlzarlar qaıta jasalýda, qalany jasyldandyrý strategıasy qolǵa alynýda. Keler jyly 15 saıabaq pen skverler qaıta jańǵyrady. Almatynyń Botanıkalyq baǵy tolyq jańarady.Almatynyń delegasıasy IýNESKO-nyń Búkilálemdik murasy tizimine engen Sıngapýrdyń Botanıkalyq saıabaǵynda bolyp, úzdik praktıkamen tanysty.
Qurylys, tehnologıany engizý, ınjırıngtik qyzmet kórsetý salalary kompanıalarynyń basshylarymen kezdesý barysynda Almaty ákimi Baýyrjan Baıbek qalanyń ınvestısıalyq áleýeti, negizi ınfraqurylymdyq jobalar, sonyń ishinde BAKAD, TES-ti gazǵa kóshirý, JRK jobasy, áýejaıdy qaıta jasaý týraly aıtyp berdi.
«Búgingi kúni biz «Almaty-2020» baǵdarlamasyn júzege asyrýdamyz, onyń basty baǵyty ekologıa, transport reformasy,densaýlyq saqtaý, qaýipsizdik jáne ınfraqurylymdy damytý.Qalanyń ekonomıkalyq áleýetin arttyratyn sheberlik josparyn da jasadyq. Tehnologıa únemi ózgeredi, sondyqtan biz qala turǵyndarynyń ómirin jaqsartatyn jobalardy engizetin bolamyz», - dep atap ótti ákim.
«Morrow Architects and Planners» basqarma tóraǵasy Lú Taı Kera Almaty men Sıngapýrdyń uqsastyǵyn, birdeı jer kólemin alyp jatqandyǵyn, soǵan qaramastan bir qalanyń teńizben, ekinshisiniń taýmen kómkerilgendigin sóz etti. Ol ınvestısıalyq tartymdylyqqa jetý úshin ınfraqurylymdy turaqty jaqsartý qajettigin, óziniń kompaknıasynyń Almatynyń sheberlik josparyn jasaýǵa yntaly ekendigin jetkizdi. «ST Electronics» vıse- prezıdenti Iao Shın Djı turaqty qalalardyń basty tendensıasy jeke kólik sanyn qysqartý, karsherıng júıesin engizý, qoǵamdyq kólikti dıversıfısıkasıalaý ekenin atap ótti. Jalpy, bıznesmender qurylys, TQQ ýtılızasıalaý, ınjenerlik komýnıkasıalar sıaqty birikken jobalardy júzege asyrýǵa qyzyǵýshylyq bildirdi.
Jumys saparynyń qorytyndysy boıynsha sheteldik seriktester úshin baǵdarlamalar men sheshimder daıyndaıtyn «Singapore Cooperation Enterprise» memlekettik agenttik Almatyǵa smart- tehnologıany engizýge, qala qurylymyn tıimdi josparlaýǵa jáne sheberlik josparlardy jasaýǵa kómektesetin bolady. Almatyny damytý Ortalyǵy, Almaty qalasynyń Sáýlet jáne qala qurylysy basqarmasy men «Singapore Cooperation Enterprise» arasynda jasalǵan tıisti memorandýmǵa qol qoıyldy.
