Qazaqstannyń jetekshi arheologtary Shyǵys Qazaqstan oblysynda qazba jumystaryn belsendi túrde júrgizip keledi. Búgingi tańda Katonqaraǵaı aýdanyndaǵy Berel qorǵanyn zertteýdi tarıh ǵylymdarynyń doktory Zeınýlla Samashev jalǵastyrýda. Shilikti alqabynda júrgizilip jatqan qazba jumystaryna profesor Ábdesh Tóleýbaev jetekshilik etýip keledi. Tarıh ǵylymdarynyń doktory, elimizdegi alǵash shyqqan Qazaqstan tarıhy kitabynyń avtory Karl Baıpaqov Ulan aýdanynda ornalasqan Abylaıkıt bekinis-monastyryn zerttep kele jatyr. Bul týraly Shyǵys Qazaqstan oblysynyń ákimi Danıal Ahmetov 2017 jyldyń 29-shy qarashasynda Astanadaǵy Ortalyq komýnıkasıalar qyzmetinde ótken brıfıń barysynda málimdedi.

Bilek sybana ter tókken arheologtar ótken jyly 5 500 artefakt tapqan. 2017 jyly júrgizilgen qazba jumystary taǵy da 1500-ge jýyq artefakttar ákeldi. Olardyń ǵylymı jáne bilimı qundylyqtary óte joǵary bolyp otyr.

Shyǵys Qazaqstan oblysynyń ákimdigi arheologıalyq zertteýlerdi qarjylandyrýda. Arheologıa salasyndaǵy ǵylymı zertteýlerdi damytýdyń úsh jyldyq josparyna sáıkes SHQO-da 2016 jyldan bastap jyl saıyn 100 mln. teńgeden bólinip keledi. 2018 jyly oblys ákiminiń tapsyrmasy boıynsha bul maqsattarǵa qosymsha 300 mln. teńge jumyldyrylmaq.

Qarjylandyrýdyń ulǵaıýy qoǵamdyq sanany jańǵyrtý úshin qurylǵan «Rýhanı jańǵyrý» baǵdarlamasynyń «Shyǵys Qazaqstandaǵy ejelgi qazynalar» baǵyty boıynsha iske asady.

Irına Plotnıkova