Búgin BQO Óńirlik komýnıkasıalar qyzmeti alańynda «Batys Qazaqstan oblysyndaǵy aýylsharýashylyǵy jer telimderin paıdalaný erejesi» taqyrybynda kezekti brıfıń ótti. Brıfıńke BQO jer qatynastary basqarmasynyń basshysy Álıa Muhambetjanova jáne BQO jerdi paıdalaný men qorǵalýyn baqylaý basqarmasynyń basshysy Salaýat Nurǵalıev qatysty dep habarlaıdy Qamshy.kz aqparat agenttigi.
Oblystyq jer qatynastary basqarmasynyń basshysy Álıa Muhambetjanovanyń aıtýynsha, Batys Qazaqstan oblysynyń aýmaǵy 15133,9 myń gektardy quraıdy, onyń ishinde 6 607 myń gektar aýylsharýashylyq jeri (egistik jer - 588,7 myń ga, kópjyldyq daqyldar - 1,8 myń gektar, tyńaıǵan jerler - 438,8 myń gektar, shabyndyqtar - 411,2 myń ga, jaıylymdar - 5111,7 myń ga, basqa jerler - 54,8 myń gektar).
Qazirgi tańda 940,2 myń gektar nemese paıdalanylmaǵan jerlerdiń 70,2% memleket menshigine qaıtarylsa, 496,8 myń gektar nemese qaıtarylǵan jerlerdiń 52,8%-yna aýyl sharýashylyǵy aınalymyna tartyldy.
Sondaı-aq, Á.Muhambetjanova oblysta biryńǵaı jer resýrstary portaly qurylǵanyn, onyń quramyna eldi mekenderde ornalasqan jer ýchaskeleri, konkýrstyq irikteý boıynsha aýyl sharýashylyq jer ýchaskeleri, turǵyn úı qurylysy jer teliminde kezekte turǵandar men jerdi maqsatsyz paıdalanǵandar engizilgenin atap ótti.
Spıkerdiń aıtýynsha, 2017 jylǵy 1 qarashadaǵy jaǵdaı boıynsha Batys Qazaqstan oblysynan Reseı Federasıasy Qorǵanys mınıstrliginiń memlekettik ushý-synaý ortalyǵyna uzaq merzimdi jalǵa berilgen jer ýchaskesi 1463,7 myń gektardy quraıdy (áskerı polıgonnyń aýdany 1465,1 myń ga). Bıyl 1995 jylǵy 20 qańtardaǵy memlekettik ushý-synaý ýchaskesin paıdalaný týraly kelisimge ózgerister men tolyqtyrýlar engizý týraly hattama qaıta qaralyp, soǵan sáıkes Kishi Boǵda ken ornyn ıgerýge qajetti 1371 ga alqap memlekettik menshikke qaıtaryldy. Qazirgi tańda jerdi memlekettik menshikke qabyldaý aıaqtaldy.
Brıfıńte basqarma basshysy turǵyn úı qurylysy úshin beriletin jer telimderine de toqtaldy. 2017 jylǵy 30 qarashadaǵy jaǵdaı boıynsha turǵyn úı qurylysy úshin jer alý kezegindegi azamattar sany 100 914 adamdy quraıdy (Oral qalasy boıynsha 71 005 adam). 2017 jyly oblys aýdandarynda turǵyn úı qurylysy úshin (Aqjaıyq aýdanynda - 42, Bórli aýdanynda - 257, Jánibekte - 12, Zelenovta- 132, Qaztalovta - 31, Karatóbede - 32, Syrym aýdanynda-42, Tasqala aýdanynda-45, Shyńǵyrlaý aýdanynda-1) 594 jer ýchaskesi jalǵa berildi.
Budan bólek, «Nurly jer» baǵdarlamasy aıasynda 2017 jyly turǵyn úı salýǵa 2 816 jer telimin berý josparlanýda. Olar: Aqjaıyq aýdany boıynsha – 218; Bórli aýdany boıynsha – 1325; Jańaqala aýdany boıynsha – 60; Zelenov aýdany boıynsha – 640; Qaratóbe aýdany boıynsha – 60; Syrym aýdany boıynsha – 66; Terekti aýdany boıynsha – 369; Shyńǵyrdaý aýdany boıynsha – 78.
BQO jerdi paıdalaný men qorǵalýyn baqylaý basqarmasynyń basshysy S. Nurǵalıev baıandaǵandaı, ózi jetekshilik etetin basqarmanyń negizi qyzmeti - jer qatynastary sýbektilerine memlekettik baqylaý júrgizý. Osy oraıda 2017 jyly jer zańdylyqtarynyń saqtalýyna 238 tekserý júrgizilgen. Nátıjesinde 182 zań buzýshylyq anyqtalyp, 22 mln. teńge aıyppul salynǵan. 2017 jyly basqarma jalpy kólemi 110,0 myń gektar aýyl sharýashylyq maqsatyndaǵy egistik, jaıylymdyq jáne shabyndyq alqaptarǵa tekserý júrgizip, nátıjesinde jalpy kólemi 97,0 myń gektar quraıtyn 84 jer ýchaskesiniń ıesine maqsatty paıdalaný qajettigi jóninde nusqamalar berdi. Basqarma paıdalanylmaǵan jer telimderine berilgen nusqamalardyń oryndalý merzimi aıaqtalyp, alaıda jer ýchaskesi ıgerilmegen jaǵdaıda jerdi qaıtarý jóninde sot organyna júginedi. Búgingi kúni jalpy kólemi 15,0 myń gektar quraıtyn 30 jer ýchaskesin memleket menshigine qaıtarý jóninde sot organynyń sheshimderi shyqty. 37,0 myń gektar quraıtyn 92 jer ýchaskesiniń ıesi basqarmanyń bergen nusqamasynan keıin jer ýchaskelerinen erikti túrde bas tartyp, memleket menshigine qaıtardy. Budan bólek, 5,6 myń gektar quraıtyn 7 jer ýchaskesin májbúrlep alyp qoıý jóninde talap-aryzdar sotta qaralýda.
Qazirgi tańda basqarmanyń tekserý jumystarynyń nátıjesinde 52,0 myń gektar quraıtyn 122 aýyl sharýashylyǵy jerleri memleket menshigine qaıtarylyp otyr. Basqarma sharýa qojalyqtarynan paıdalanylmaǵan jerlerdi qaıtarý máselesimen ǵana aınalyspaıdy, sharýashylyqtarǵa jer ýchaskesin maqsatty ıgerýge túrtki bolyp, bıznesti júrgizýge yqpal etý jumystaryn júrgizedi. Basqarmanyń zań buzýshylyqty joıý týraly bergen nusqamalarynan keıin kólemi 63,6 myń gektar jerdi jer paıdalanýshylar men ıeleri ıgerýge kirisip, aýyl sharýashylyǵy aınalymyna tartty.
Brıfıńte baıandamashy jerdi paıdalanýshylardyń quqyqtary men olardyń tarapynan ketetin kemshilikterge toqtaldy.
Basqarma tarapynan júrgiziletin tekserýlerdiń nátıjesinde anyqtalatyn zańbuzýshylyqtardyń biri - ol memlekettik jer ýchaskesin óz betinshe ıelenip alý. Basqarmamen aǵymdaǵy jyly júrgizilgen tekseristerdiń nátıjesinde memlekettik jerdi basyp alý faktisi boıynsha 71 jeke jáne zańdy tulǵalarǵa ákimshilik hattamalar toltyrylyp, 22 mln. teńge aıyppul salyndy.
