Keshe «ákem teatr» atynyp ketken M.Áýezov atyndaǵy Qazaq Memlekettik akademıalyq drama teatrynda «Adasqaq» drama-dıalogynyń tusaýkeseri ótti. «Adasqaq» drama-dıalogy XIX ǵasyrda ómir súrgen Qazaq dalasyn ásem ánimen terbep, artyna ólmes mol mura qaldyrǵan Birjan sal Qojaǵululy týraly syr shertedi.
Birjan sal Qojaǵulynyń ómiri men ónerinen syr shertetin qoılym óń menen tús arasynda ótedi. Túsinde Birjan saldyń Abaımen, Aqan serimen júzdeskenin kórsetip, óner adamynyń ishki arpalysyn, jan dúnıesin  kórsetetin qoıylym. Ómirińniń sońynda aýyr dertke shaldyqqan Birjan saldyń taǵdyry men «Temirtas» ániniń shyǵý tarıhyn beıneleıtin keremet qoıylym. Biz bilmeıtin Birjan saldyń ómirin kóz aldaryńyzda ótedi. Qoılymda otyryp siz týra Birjan saldyń zamanynda ómir súrgen sıaqty, aqynnyń jan dúnıesin túsinesiz.
«Adasqaq» drama-dıalogy - kórnekti jazýshy-dramatýrg, QR Memlekettik syılyǵynyń laýreaty Asqar Súleımenovtyń prozalyq sıkli boıynsha qoıylǵan. Qoıylymnyń rejıseri – QR eńbek sińirgen qaıratkeri Áýbákir Rahımov. Al Birjan saldyń rólin somdaǵan Bekjan Turystyń oınaǵanyn kórgende sol zamanǵy Birjan saldy kórgendeı bolasyz.
Birjan saldyń ómirinen syr shertetin qoıylym kórermenderdiń kóńilinen shyǵyp, ystyq yqylasyna bólendi. Qoıylym sońynda halyq Birjan saldy qıa almaı biraz qol soqty.

«Adasqaq» qoıylymy bir ánniń,  Birjan sal men Aqan seriniń, jıyp kelgende qazaqtyń XIX ǵasyrdaǵy jalpy rýhanı bolmysyn kórsetken qoıylym. Ult rýhanıatynyń jańǵyrýy ǵana emes, ulttyq sananyń  órken jaıýýyna úles qosatyn bul qoıylymdy ár qazaq kórýge mindetti...