Máskeý soty 5 jeltoqsanda Qazan polısıasynyń burynǵy basshysy Rýslan Halımdarovty 10,5 jylǵa sottady dep habarlaıdy Qamshy.kz aqparat agenttigi Azatyqqa silteme jasap. Ony esirtki kontrabandasy degen jeleýmen adam urlady dep aıyptady. Halımdarovtyń qaramaǵyndaǵy úsh adam 8 jyldan 9 jylǵa deıin bas bostandyqtarynan aıyryldy.

Tergeý komıtetiniń basshysy Aleksandr Bastrykınnyń buıryǵymen isti qaraýdy Tatarstannan Máskeýge bergen. Ol Qazan sotynyń ádiletti bolatynyna kúdiktengen.

Tergeý isiniń málimeti boıynsha, Halımdarov qaramaǵyndaǵylarmen birge 2005 jyly Qazaqstan turǵynyn urlap áketip, oǵan esirtki saýdasymen aınalysty dep jalǵan aıyp taǵyp, 13 jylǵa sottap jibergen.

Polısıa qyzmetkerleri tek 2013 jyly ǵana ustalǵan. Aldymen ony qyzmetin asyra paıdalandy dep aıyptady. Tek is Tergeý komıtetiniń ortalyq apparatyna berilgennen keıin ǵana, adam urlaý faktisi boıynsha is qozǵalǵan.