Búgin Qazaqstan Respýblıkasynyń Tuńǵysh Prezıdenti kúni «Halyq arena» muz saraıynda erekshe shoý baǵdarlamasy bar merekelik konsert uıymdastyryldy. Almaty ákimi Baýyrjan Baıbek qala turǵyndaryn merekemen quttyqtap, Elbasy saıasaty men sheshimderiniń negizi halyqtyń múddesi men jaqsy turmysy bolǵanyn atap ótti.

«Barlyq kezeńderde, ásirese qıyn sátterde ár halyqtyń tyǵyryqtan alyp shyǵatyn ári túrli ultty uly maqsat jolyna biriktiretin, tarıhı kedergilerdi joıa biletin kóshbasshysy bolǵany aqıqat. Bizdiń elimizdiń osyndaı kemeńger jalpyulttyq Kóshbasshysy Nursultan Ábishuly Nazarbaev. Elbasy zamanaýı qazaqstandyq memlekettiń irgetasyn qalady jáne nyǵaıtty, daǵdarys jyldary eldi túrli synaqtan alyp shyqty, naryqtyq ekonomıkany, demokratıalyq ınstıtýttardy qurdy. Elimizde turaqtylyqty, beıbitshilik pen kelisimdi qamtasyz etti», - dep atap ótti Baýyrjan Baıbek.

Almaty ákimi Memleket basshysynyń asa zor halyqaralyq bedeli arqasynda eń mańyzdy másele, búgingi jáne bolashaq urpaqtyń qaýipsizdigin qamtamasyz etetin memlekettik shekaranyń bekitilgenin qadap turyp aıtty.

«Jastar – Qazaqstannyń bolashaǵy, olar bizdiń Táýelsizdigimizdi saqtaýy jáne odan ári damytýlary tıis. Elbasynyń «Rýhanı jańǵyrý» baǵdarlamasynda aıtylǵan básekege qabilettilik, ashyqtyq, prazmatızm, bilim kúlti bizdiń basty qaǵıdalarymyz bolsyn», - dedi megapolıs ákimi.

Óziniń quttyqtaý sózinde Baýyrjan Baıbek Memleket basshysynyń turaqty qoldaýy arqasynda Almatynyń damyp, iri jetistikter bıiginen kórinýin erekshe atap ótti. Qalanyń basty kósheleriniń birine Qazaqstan Respýblıkasynyń Tuńǵysh Prezıdenti esiminiń berilýi qalalyqtardyń Elbasyǵa degen qurmetin, alǵysy men izgi nıetterin bildiredi.

Búgin «Halyq Arena» sahnasynda shyǵarmashyl ujymdar óner kórsetti, otandqó estrada juldyzdary Kamshat Joldybaeva, Erke Esmahan, Aıdana Medenova, Nurjana Kermenbaev, Álı Oqapov, «Alau», «Aumi», «Assyl» jáne basqalary patrıottyq ánderdi oryndady.