Reseı memlekettik dýmasynyń depýtaty Vıtalıı Mılonov Qazaqstanǵa, sondaı-aq BRIKS quramyndaǵy elder men Belarýs jáne Qyrǵyzstanǵa Ońtústik Koreıadaǵy Olımpıadaǵa qatysýdan bas tartýdy usyndy, dep jazady Qamshy.kz aqparat agenttigi. Bul týraly R-Sport habarlaıdy. 

«Reseı quramasy qatyspaıtyn bolsa, Reseımen yntymaqtastyqtyń belgisi retinde Olımpıada oıyndarynan bas tartýlaryńyzdy suraımyn.

Qazirgi ýaqytta Halyqaralyq olımpıada komıtetiniń Reseıdi alshaqtap jatqanyna kýámiz. Munyń astarynda saıası qysymnyń jatqanyn jaqsy bilemiz. AQSH pen onyń jaqtastary ár ýaqytta elderimizge saıası qysym kórsetip, ekonomıkalyq turǵyda bopsalap keldi. Búginde Sem kókemizdiń basty kózdegeni, nysanasy Reseı bolyp tur. Biraq Batystyń ekonomıkalyq qaqpanyna sizdiń memleketińiz nemese ulttyq namysyńyzdyń túspeýine kim kepil?», - dedi Mılonov.  

Qysqy Olımpıada oıyndary Ońtústik Koreıanyń Phenchhan qalasynda 2018 jyly 9-25 aqpan aralyǵynda ótedi. Reseıdiń olımpıada komıteti HOK atqarýshy komıtetiniń sheshimimen jarystan  alastatylǵan.