Keler jyly bazalyq zeınetaqyny esepteý jumystaryna ózgerister engiziledi. Tipti birińǵaı jınaqtaýshy zeınetaqy qorynan beriletin tólemdi esepteý tártibide ózgeshe bolmaq. Bul týraly TVK arnasy habarlady.
Zańdy qujat kúshine engennen bastap, memlekettik búdjetten tólenetin bazalyq zeınetaqy eńbek ótili men jınaqtaýshy zeınetaqy júıesine qatysý ótilin eskere otyryp taǵaıyndalatyn bolady. Eger zeınetkerdiń 1998 jyldyń 1 qańtaryna deıingi eńbek tájirıbesi 10 jyldan tómen bolsa onda bul kórsetkish bazalyq zeınetaqynyń eń tómengi kúnkóris deńgeıiniń 54 paıyzyn quraıdy. Iaǵnı bul tólem 14 416 teńgege teń. Kerisinshe eńbek tájirıbesi 10 jyldan asqan árbir jyl úshin onyń mólsheri 2 paıyzǵa ósip otyrady. Al 33 jyldan joǵary bolsa, zeınetaqy mólsheri eń tómengi kúnkóris deńgeıiniń 100 paıyzyn qurap, odan asyrylmaıdy.
«Bul jerde kóńil bólinetin basty másele zeınet aqy qoryny túsip jatqan árbir jarnany qadaǵalaý. Óıtkeni ár túsken jarna azamattardyń bir aılyq eńbek ótili bolyp eseptelinedi. Budan bólek 2018jyldyń 1 qańtarynan zeınetaqy qorynanda tólemdy alý jolyda ózgereıin dep otyr», - BJZQ AQ OQOF bólim basshysy Ábdimurat Isabaev.
Kelesi jyly zeınetaqy zańnamasyna ózgerister engizilip, jańa qujat óz kúshine enetin bolady. 2018 jyldyń 1 qańtarynan bastap, názik jandardyń zeınetke shyǵý jasy 6 aıǵa ulǵaıady. Tipti bul úrdis júıeli túrde jyl saıyn iske asatyn bolady.
«1960 jyly 1 qańtar men 30 maýsymda týylǵan azamattardyń barlyǵy 58,5 jasta zeınetke shyǵatyn bolady. Al 1960 j 1shilde men 31 jeltoqsan aralyǵynda týylǵandar 2019 jyly zeınetke 59 jasta shyǵatyn bolady. Dál osy laı 2027 jylǵa deıin jarty jyldan qosylyp, osy jyly erler men áıelder de 63 jastan zeınetke shyǵady», - dedi bólim basshysy.
Zeınetaqy tólemderin alý quqyǵy týyndaǵan kezde mamandar BJZQ der kezinde júginý qajettigin eskertedi. Qajetti qujattar men talaptary týraly tolyq aqparat mekemeniń resmı www.enpf.kz saıtynda jarıalanǵan. Sondaı-aq baılanys ortalyǵynyń 1418 telefonyna habarlasyp anyqtaýǵa da bolady. Qosymsha aqpar, atalǵan mekemeniń operasıalyq bólimsheleri 30 jáne 31 jeltoqsan kúnderi tańǵy saǵat 09:00-den 13:00 ge deıin jumys isteıdi.
