Qazaqstan Respýblıkasynyń Tuńǵysh Prezıdenti kúni Almaty ákimi Baýyrjan Baıbek ushaqtardy túrli jaǵdaıda qabyldaıtyn jáne aýa raıyna qaramastan aerodromnyń jumys isteýin qamtamasyz etetin áýejaıdyń jańa ushý jáne qoný alańynyń ashylý sharasyna qatysty, dep habarlaıdy Qamshy.kz aqparat agenttigi Almaty qalasy ákimdiginiń baspasóz qyzmetine silteme jasaı otyryp.
Alańdy rekonstrýksıalaý óte qysqa merzimde, mamyr men qarasha aılary arasynda atqaryldy. Jeke ınvestısıa esebinen tósenish uzyna boıyna ózgertildi, eki jańa jyldamdyq joly jasaldy, jaryq sıgnalynyń jańa júıesi ornatyldy, elektr jabdyqtar tolyq almasytyryldy.Nemister jasaǵan jaryq sıgnalynyń jańa júıesi «III B» IKAO kategroıalarynyń talaptaryna saı jáne ushaqtardy kórinýi shekteýli (gorızontaldy kórinisi kem degende 75 m, vertıkaldy kórinisi – 0 m), kezde de qabyldaı beredi, sonyń arqasynda Almaty aerodromyna aýa raıy esh áser etpeıdi.
«Buryn iri tasymaldaýshylar tumannyń saldarynan qona almaı, 7,5 mln. dollarǵa deıin shyǵynǵa ushyraıtyn. Bul másele endi sheshildi. Onyń ústine, aerodromda qar tazalaıtyn mashınalalar daıyn, olar segiz metrli qar tazalaǵyshtar, muzǵa qarsy tehnıkalardyń 1,5 jyldyq mln. lıtr qory bar, sonymen birge áýe jolaqtaryn muzdan qorǵaıtyn qurǵaq qospalar – reagentter de jetkilikti. Bizdiń mndetimiz sapany arttyryp, servısti jaqsartý. Áýejaı qysqy navıgasıaǵa tolyq daıyn», - dedi Almatynyń halyqaralyq áýejaıynyń prezıdenti Aıbol Bekmuhambetov qala ákimine.
Qaıta jasalǵan áýe jolaqtarynyń arqasynda jumys tıimdiligi de artyp, áýe sýdnalaryn qabyldaý jaqsardy.Keler jyly jańa jyldamdyq jolaqtary ushtasqan kezde ushý alańdary tez daıyn bolýy barysynda aerodromda ushý- qoný operasıalaryn ótkizý qabileti saǵatyna 13-ten 24-ke deıin ósedi.
Búgin Almatyda áýejaı mańyna jaqyn ornalasqan B.Maılın kóshesindegi Kishi Almaty ózeni boıyndaǵy kópir arqyly eki jaqty kólik qozǵalysy qamtamasyz etildi. Bul kópirdiń uzyndyǵy 42,6 metr, 1960 jyly salynyp, apatty jaǵdaıda bolǵan edi. Endi ol qaıta jańǵyryp, iske qosyldy.
Qala basshysyna kópir konstrýksıalaryn jańartý barysynda qurylystyń temirbeton qondyrǵylarynyń tolyq jańarǵany, monolıtti temirbeton plıtkalarynyń ornatylǵany, kópir tirekteriniń almastyrylǵany, ınjenerlik jelilerdiń qaıta salynǵany, asfálttyń tóselgendigi, basqa da jumystardyń júrgizilgendigi baıandaldy. Barerli jáne ustaıtyn qorshaýlar ornatylǵan.
