Almaty ákimi Baýyrjan Baıbek «Birikken qalalar jáne jergilikti bıliktiń» Eýrazıalyq bóliminiń bas hatshysy Rasıh Sagıtovpen kezdesti. Taraptar jergilikti bıliktiń halyqaralyq deńgeıdegi ózara qarym- qatynasy, qalalarlyń damýyna ýrbanızasıa men jahandanýdyń yqpaly máselelerin, uıym qyzmetiniń basty baǵyttaryn talqylady.
Megapolıs ákimi Almatynyń búgingi tańda túrli halyqaralyq uıymdarmen birigip jumys isteýge erekshe nazar aýdaratynyn atap ótti. Mysaly, alǵash ret óńirde, qalada «Eýrazıanyń EYDU-nyń aptalyǵy» ótti, IýNESKO aıasynda Almatynyń 1000 jyldyǵy merekelendi, BUU-nyń 14 ofısi jumys isteıdi, Birikken Ulttar Uıymynyń óńirlik habyn ashý josparlanǵan.
Rasıh Sagıtov jahandanýdyń óris alýy barysynda jergilikti organdardy halyqaralyq arenda qoldaý arqasynda qala men turǵyndarǵa qatysty mańyzdy máselelerdiń sheshimin tabatynyn atap ótti.
«Bizdiń uıymymyz jergilikti bılikke halyqaralyq uıymdarmen yntymaqtastyqty jaqsartýǵa, qalalardyń oń ımıjin qalyptastyrýǵa, olardyń ınvestısıalyq jáne týrısik tartymdylyǵyn kúsheıtýge yqpal etedi», - dedi R.Sagıtov.
Birikken qalalar jáne jergilikti bılik – komersıalyq uıym emes, oǵan álemniń 60 eliniń jergilikti bılik asosıasıalary men barlyq kontınenttiń myńdaǵan qalalary múshe. Shtab - páteri Qazan qalasynda ornalasqan Eýrazıalyq bólimge Qazaqstannyń Astana, Aqtaý jáne Semeı qalalary engen.
Aıta keter bolsaq, Uıym 1993 jyly qurylyp, eki jyldan keıin osy uıymnyń sheshimimen 8 qyrkúıek álemdik qalalar kúni bolyp bekitilgen bolatyn. Búkilálemdik muralar qalalarynyń konferensıalary Túrkıanyń Stambýl, Safranbolý, Qytaıdyń Lıszán, Indonezıanyń Sýrakartra jáne Tatarstannyń Qazan qalasynda eki ret ótkizilgen. 2014 jyly Aqtaý qalasy Uıymnyń (BMQU/OGVN) baqylaýshysy bolyp belgilengen bolatyn.
Mundaı halyqaralyq bedeldi uıymǵa Qazaqstan qalalarynan múshelikke engen Aqtaý tuńǵysh ári jalǵyz qala boldy. Al 2013 jyldyń qarasha aıynda Meksıkada ótken uıymnyń kezekti bas qosýynda Eýrazıalyq bóliminiń bastamasy boıynsha 2014 jyly Aqtaý qalasynda 100-den asa dúnıejúzi qalalary merleriniń qatysýymen «Eýrazıa qalalarynyń álemdik murasy» VII Halyqaralyq konferensıasynyń ótkizilýi maquldanǵan edi.
